ក្រុងយ៊ាំងហ្គោន៖ យោងតាមក្រសួងការងារអន្តោប្រវេសន៍ និងប្រជាជនបានឲ្យដឹងថា ក្រៅពីក្រុងយ៊ាំងហ្គោន ប្រទេស មីយាន់ម៉ា កំពុងប្រឹងប្រែងទប់ស្កាត់ការរីករាលដាលនៃជំងឺកូវីដ ១៩ នៅទូទាំងរដ្ឋ និងតំបន់ទាំងអស់របស់ខ្លួន។
ប្រជាជនរបស់ប្រទេសនេះបានកើនឡើងប្រហែល ១០ លាននាក់ទៅ ៥៥ លាននាក់ក្នុងរយៈពេល ២៥ ឆ្នាំ ដូច្នេះការទប់ស្កាត់ និងការធានាមិនមានការរាលដាលពិតជាសំខាន់ណាស់។
យោងតាមលេខាប្រចាំតំបន់ លោក អ៊ូ ទីនមួងស្វេ បានឲ្យដឹងថា នៅសាហ្គេនជាតំបន់មួយដែលមានពលករចំណាកស្រុកយ៉ាងច្រើន មនុស្សជាង ១២ ០០០ នាក់ កំពុងស្ថិតនៅក្រោមការតាមដាន។
យោងតាមបញ្ជីរបស់រដ្ឋាភិបាលតំបន់បានឲ្យដឹងថា មនុស្ស ៥ ១៦៣ នាក់ កំពុងត្រូវបានដាក់ឲ្យនៅដាច់ដោយឡែក និងតាមដាននៅក្នុងសហគមន៍របស់ពួកគេ មនុស្ស ៧ ២៧០ នាក់ នៅក្នុងផ្ទះរបស់ពួកគេ និង ២៣ នាក់ សម្រាកនៅក្នុងមន្ទីរពេទ្យចាប់តាំងពីថ្ងៃទី ៣ ខែមេសា មក។
ប៉ុន្តែលោក អ៊ូ ទីនមួងស្វេ បានកត់សម្គាល់ឃើញថា ភាគច្រើននៃអ្នកដែលត្រូវបានដាក់ឲ្យនៅដាច់ដោយឡែកនោះ មិនមានការព្រមានពីរដ្ឋាភិបាលឲ្យស្នាក់នៅដាច់ដោយឡែកហ្មត់ចត់ណាស់ណាទេ។
លោកបានថ្លែងថា៖ «មនុស្សជាច្រើន ដែលមានជីវភាពខ្វះខាតនៅក្នុងភូមិទាំងនោះ បន្តធ្វើការងារប្រចាំថ្ងៃថ្វីបើមានកិច្ចប្រឹងប្រែងគ្រប់គ្រងការធ្វើដំណើររបស់ពួកគេក្តី៕ My.Times/PSA