លោក Vassily Nebenzia ថ្លែងក្នុងជំនួបនៃក្រុមប្រឹក្សាសន្តិសុខអ.ស.ប.។ RT
.jpg)
រុស្ស៊ីចោទអាមេរិកថា បង្កឲ្យវ៉េណេស៊ុយអេឡាខូចខាតរាប់ពាន់លានដុល្លារតាំងពីឆ្នាំ ២០១៣
ក្រុងម៉ូស្គូៈ ឯកអគ្គរដ្ឋទូតរុស្ស៊ីប្រចាំនៅអង្គការសហប្រជាជាតិលោក Vassily Nebenzia ចោទអាមេរិកថា បានបណ្តាលឲ្យវ៉េណេស៊ុយអេឡាខាតបង់ប្រាក់រាប់ពាន់លានដុល្លារ ចាប់តាំងពីឆ្នាំ ២០១៣ និងបានថ្លែងថា ក្រុងវ៉ាស៊ីនតោន បានបង្កឲ្យមានវិបត្តិដើម្បីផ្តួលរំលំរដ្ឋាភិបាលស្របច្បាប់នេះ។
ដោយបានថ្លែងនៅឯជំនួបក្រុមប្រឹក្សាសន្តិសុខអង្គការសហប្រជាជាតិស្តីពីវ៉េណេស៊ុយអេឡា កាលពីថ្ងៃពុធ លោក Nebenzia បានមានប្រសាសន៍ថា រដ្ឋការរបស់លោក ដូណាល់ ត្រាំ បានលុកលុយប្រទេសនេះ ខណៈពេលជាមួយនោះ បានអំពាវនាវរកជំនួយបន្ទាន់ ដើម្បីជួយប្រជាជនវ៉េណេស៊ុយអេឡា»។
សម្តីនោះ បានកើតឡើងខណៈមូលនិធិរូបិយវត្ថុអន្តរជាតិ (IMF) បង្កកប្រាក់សុទ្ធ ៤៥១ លានដុល្លាររបស់លោកប្រធានាធិបតីវ៉េណេស៊ុយអេឡា នីកូឡាស ម៉ាឌូរ៉ូ ដោយបានលើកឡើងពីចលាចលដែលបានកើតឡើង ចាប់តាំងពីមេដឹកនាំបក្សប្រឆាំង លោក Juan Guaido បានប្រកាសខ្លួនលោកថាជាប្រធានាធិបតីពេញសិទ្ធិ កាលពីខែមករា។
មិនទាន់ច្បាស់ថា តើ IMF នឹងទទួលស្គាល់លោក Guaido ជាផ្លូវការ ឬយ៉ាងណានោះទេ ប៉ុន្តែទីប្រឹក្សាសេដ្ឋកិច្ចរបស់មេដឹកនាំបក្សប្រឆាំង បានថ្លែងប្រាប់ Bloomberg ថា មូលនិធិរូបិយវត្ថុអន្តរជាតិ កំពុងការពារប្រាក់ទំាងអស់ដែលខ្លួនបានកង្កកនោះ៕ RT/PSA
