លីប៊ី នឹង​បោះឆ្នោត​នៅ​ខែ​ក្រោយ ចំ​ពេល​មាន​ភាព​ចលាចល​កំពុង​កើនឡើង


20140522_18c
20140522_18c

ក្រុងទ្រីប៉ូលីៈ លីប៊ី នឹង​រៀបចំ​បោះឆ្នោត​ក្នុង​ខែ​ក្រោយ​ដើម្បី​ជំនួស​សភា​បណ្តោះអាសន្ន​ដែល មាន​ជម្លោះ​របស់​ខ្លួន ខណៈ​ក្រុម​អាជ្ញាធរ ខិតខំ​ទប់ស្កាត់​ការ​តស៊ូ​ដណ្តើម​អំណាច​មួយ​ជាមួយ​ក្រុង​អតីត​ឧទ្ទាម ប្រដាប់​អាវុធ និង​រារាំង​ការ​រំកិល​ទៅ​រក​សង្គ្រាម​ស៊ីវិល។

រដ្ឋាភិបាល​ដែល​ស្នង​តំណែង​បន្ត​បាន​ត្អូញត្អែរ​ថា ការ​ទាមទារ​របស់​ក្រុម​សភា​ជាតិ​ទូទៅ (GNC) ដើម្បី​ទាំង​អំណាច​ប្រតិបត្តិ និង​អំណាច​នីតិប្បញ្ញត្តិ បាន​បង្ខំ​ឲ្យ​ពួកគេ​នាំ​យក​មក​ឲ្យ​ប្រព្រឹត្ត​ត្រឹមត្រូវ​វិញ នូវ​អតីត​កម្លាំង​ជីវពល​ឧទ្ទាម ដែល​គេ​ស្តីបន្ទោស​ពី​បទ​បង្កើន​ភាព​ចលាចល​នៅ​ប្រទេស​អាហ្វ្រិក​ខាង​ជើង នេះ ចាប់​តាំងពី​ការ​បះបោរ​ឆ្នាំ​២០១១ ដែល​បាន​សម្លាប់​លោក​មួម៉ារ កាដាហ្វី។

គណៈកម្មាធិការ​បោះឆ្នោត បាន​និយាយ​ថា ការ​បោះឆ្នោត​សម្រាប់ សភា​ថ្មី​នេះ នឹង​ត្រូវ​រៀបចំ​នៅ​ថ្ងៃ​ទី​២៥ ខែ​មិថុនា នៅក្នុង​ការ​ប្រកាស​មួយ មួយ​ថ្ងៃ​បន្ទាប់ពី​រដ្ឋាភិបាល​បាន​ជំរុញ​សភា GNC ឲ្យ​សម្រាក​វិស្សមកាល។ រដ្ឋាភិបាល បាន​និយាយ​ថា កត្តា​នេះ អាច​ជួយឲ្យ​លីប៊ី​ចៀស​ផុត​ពី​ការ​រំកិល​ទៅក្នុង​សង្គ្រាម​ស៊ីវិល បន្ទាប់ពី​ឧត្តមសេនីយ៍ ទុច្ចរិត​លោក Khalifa Haftar ដែល​ក្រុម​អាជ្ញាធរ​បាន​ចាត់​ទុក​ថា «ក្រៅ​ច្បាប់​»​បាន​បើក​ការ​វាយប្រហារ​មួយ​ពី​ថ្ងៃ​សុក្រ​លើ​ក្រុង​បេនហ្គាហ្ស៊ី។

សភា​បណ្តោះ​អាសន្ន​គ្របដណ្តប់​ដោយ​ជន​អ៊ិស្លាម​និយម​នេះ បាន​បង្ក​កំហឹង​សាធារណៈ​ទូទៅ​កាលពី​ដើម​ឆ្នាំ​នេះ នៅពេល​ខ្លួន​បាន បន្ត​អាណត្តិ​ខ្លួន​រហូត​ដល់​ខែ​ធ្នូ។

ក្រុម​ខ្មាន់កាំភ្លើង​មកពី​កងពល​តូច​អតីត​ឧទ្ទាម Zintan ដែល​និយាយ​ថា ពួកគេ​គាំទ្រ​លោក Haftar បាន​វាយ​ឆ្មក់​ចូល​សភា​ពី​ថ្ងៃ​អាទិត្យ និង​បាន​ដុត​អគារ​ក្បែរ​នោះ ដោយ​បង្ខំ​ឲ្យ​សភា GNC រៀបចំ​ជំនួប​ថ្ងៃ​អង្គារ​នៅ​សណ្ឋាគារ​ក្រុង​ទ្រីប៉ូលី​មួយ។

ការ​គាំទ្រ លោក Haftar ពេល​នេះ​មាន​កងឯកភាព​កម្លាំង​ពិសេស កងទ័ព​ក្រុង​បេនហ្គាហ្ស៊ី កងពល​ប៉ូលិស និង​មន្ត្រី​ទ័ពអាកាស៕

ព័ត៌មានថ្មីៗ