សមាជិកសភា​មកពី​គណបក្ស​សាធារណរដ្ឋ​បាន​ដក​លោកស្រី Liz Cheney ចេញពី​មុខតំណែង​របស់​លោកស្រី​ជា​ប្រធាន​សន្និសីទ​របស់​គណបក្ស​សាធារណរដ្ឋ​កាលពី​ថ្ងៃ​ពុធ (១២ ឧសភា) ដោយសារ​ការរិះគន់រ​បស់​លោកស្រី​ពោះ​អតីត​ប្រធានាធិបតី លោក Donald Trump ដែល​បាន​ពង្រីក​ការប្រេះឆា​នៅក្នុង​គណបក្ស​ជុំវិញ​ទិសដៅ​នាពេល​អនាគត។

ការសម្រេចចិត្ត​ដក​លោកស្រី​ជា​ប្រធានសភា​នៃ​គណបក្ស​ GOP បញ្ជាក់​យ៉ាងច្បាស់​ពី​ការក្តាប់​អំណាច​របស់​លោក​ Trump ទៅលើ​សមាជិក​សភា​គណបក្ស​សាធារណរដ្ឋ​ជាច្រើន​នាក់​ទៀត។ ការផ្លាស់ប្តូរ​នេះ​ត្រូវបាន​គាំទ្រ​ដោយ​លោក​ Trump ដែល​ជា​មេដឹកនាំ​គណបក្ស​សាធារណរដ្ឋ​លោក​ Kevin McCarthy និង​អនុសេនីយ​កំពូល​របស់លោក​គឺ​លោក​ SteveScalise។

លោកស្រី​ Cheney បាន​ប្រាប់​អ្នកយក​ព័ត៌មាន​ថា៖ “យើង​ត្រូវតែ​ឆ្ពោះទៅមុខ​ដោយ​ផ្អែកលើ​ការពិត” ។ ប្រទេសជាតិ​ត្រូវការ​គណបក្ស​មួយ​ដោយ​ផ្អែកលើ​គោលការណ៍​គ្រឹះ​នៃ​ការអភិរក្ស​និយម។

លោកស្រី​ Cheney ក៏​ជា​សមាជិក​ម្នាក់​ក្នុងចំណោម​សមាជិក​សភា​មកពី​គណបក្ស​សាធារណរដ្ឋ​ចំនួន ១០ នាក់​ដែល​បាន​បោះឆ្នោត​ធ្វើការ​ដកតំណែង​លោក​ Trump បន្ទាប់ពី​ការបះបោរ​ចូល​វិមាន​កាពីតូល​ពី​សំណាក់​អ្នកគាំទ្រ​របស់លោក​កាលពី​ពេល​ថ្មីៗនេះ។ លោកស្រី​ក៏បាន​និយាយ​ផងដែរ​ថា​លោកស្រី​នឹង "ធ្វើ​អ្វី​គ្រប់យ៉ាង​ដែល​ខ្ញុំ​អាច​ធ្វើ​បាន​ដើម្បី​ធានាថា" លោក​ Trump មិន​មាន​ឱកាស​ជាប់ឆ្នោត ជា​ប្រធានាធិបតី​ម្តង​ទៀតឡើយ។

ប្រភព៖
Trump critic Liz Cheney ousted from Republican leadership: Lawmakers
https://www.straitstimes.com/world/united-states/trump-critic-liz-cheney...

មឹង ច័ន្ទសុម៉ានីតា