ក្រុងបាងកក៖ យោងតាមមេដឹកនាំរបស់គណបក្សអនាគតឆ្ពោះទៅមុខ ដែលជាគណបក្សមានប្រជាប្រិយភាពបំផុតរបស់ប្រទេស ថៃ បានឲ្យដឹងថា ប្រជាជនថៃ អាចនឹងមើលឃើញការតវ៉ាតាមដងផ្លូវម្តងទៀត ប្រសិនបើការបង្កើតកងកម្លាំងបន្តផ្លាស់ប្តូរប្រជាធិបតេយ្យមែននោះ។
លោក ថាណាថន ជឹងរុងរឿងគីត បានប្រកាសនៅក្នុងសុន្ទរកថាមួយនៅឯមជ្ឈមណ្ឌលទំនាក់ទំនងការបរទេសថៃ (FCCT) នៅក្នុងទីក្រុងបាងកកកាលពីរសៀលថ្ងៃចន្ទថា អំពើហិង្សាអាចផ្ទុះឡើងប្រសិនបើគណបក្សមួយនេះត្រូវបានរំលាយចោលដោយតុលាការនៅខែក្រោយមែននោះ។
លោក ថាណាថន បានថ្លែងថា បក្សអនាគតឆ្ពោះទៅមុខ និងក្រុមមន្ត្រីមួយចំនួនក្នុងចំណោមមន្ត្រីរបស់ខ្លួន បានប្រឈមមុខជាង ២០ ករណី ដែលបានចោទប្រកាន់ពីប៉ូលិស អគ្គមេធាវី តុលាការរដ្ឋធម្មនុញ្ញ និងគណៈកម្មការរៀបចំការបោះឆ្នោត។
លោក ថាណាថន បានថ្លែងថា៖ «ការបង្កើតកងកម្លាំងកំពុងជំរុញឲ្យប្រជាជនចេញតវ៉ាម្តងទៀត» «ពួកគេហាក់បីដូចជាមានការជឿជាក់ថា ពួកគេអាចបង្ក្រាប និងគ្រប់គ្រងស្ថានការណ៍នោះបាន។ ប៉ុន្តែមានមនុស្សជាច្រើនបានគិតថា មិនអាចទៅរួចនោះទេ វាជាល្បែងគ្រោះថ្នាក់បំផុត»៕ BKP/SK