ក្រុងបាងកកៈ ការសម្រេចចិត្តរបស់គណបក្សផាឡាំងប្រាឆារ៉ាត់ (PPRP) ដើម្បីតែងតាំងឧបនាយករដ្ឋមន្ត្រីលោកឧត្តមសេនីយ៍ ប្រាវីត វង់ស៊ូវ៉ាន់់ ជាអ្នករៀបចំយុទ្ធសាស្ត្រជាន់ខ្ពស់របស់ខ្លួន ជាការបង្ហាញវិធានការមួយដើម្បីពង្រឹងការដឹកនាំគណបក្សចម្រុះ និងការពារឋានៈរបស់ខ្លួនក្នុងនាមជា «ស្ថាប័ន» នយោបាយ។
ការតែងតាំងត្រូវបានគេលើកឡើងថា លោកឧត្តមសេនីយ៍ ប្រាវីត វង់ស៊ូវ៉ាន់់ នឹងត្រូវបានគេសន្និដ្ឋានថាមានតួនាទីសំខាន់នៅក្នុងគណបក្ស PPRP នៅពេលក្រុមចម្រុះ ត្រូវបានបង្កើតឡើង។ ការអះអាងនោះបានកើតឡើងចេញពីគណបក្សរបស់លោក ថាមម៉ាណាត ព្រំពូថា ទោះបីជាលោកឧត្តមសេនីយ៍ ប្រាយុធ ចាន-អូចា នៅមិនទាន់បានចូលកាន់តំណែងថ្មីរបស់លោកជាផ្លូវការក្តី។
លោក វីរ៉ាសាក់ គ្រូអាថេប ជាអ្នកវិទ្យាសាស្ត្រនយោបាយម្នាក់ចេញពីសាកលវិទ្យាល័យជូឡាឡុងកន បានថ្លែងថា ការបំពេញការងាររបស់លោកឧត្តមសេនីយ៍ ប្រាវីត វង់ស៊ូវ៉ាន់់ នៅក្នុងគណបក្ស PPRP នោះ នឹងមិនមែនគ្រាន់តែនាំឲ្យមានការឯកភាពជូនគណបក្សប៉ុណ្ណោះទេ ប៉ុន្តែថែមទាំងបានបង្កើតមូលនិធិសម្រាប់ការអភិវឌ្ឍទៅថ្ងៃអនាគតទៀតផង។
លោកបានថ្លែងថា ការព្រមព្រៀងពីគណបក្ស PPRP ដែលត្រូវបានគេមើលឃើញយ៉ាងទូលំទូលាយថា ជាយន្តការមួយសម្រាប់ការវិលត្រឡប់មកកាន់អំណាចឡើងវិញ របស់លោកឧត្តមសេនីយ៍ ប្រាយុធ ចាន-អូចា ដែលបានប្រឈមមុខជាមួយការសាកល្បងមួយចំនួន ចាប់តាំងពីមានការបោះឆ្នោតនៅថ្ងៃទី ២៤ ខែ មីនា ខណៈអ្នកនយោបាយខ្លះបានវាយប្រហារជុំវិញអាសនៈគណៈរដ្ឋមន្ត្រី ហើយថែមទាំងគំរាមនឹងដកខ្លួនចេញពីការគាំទ្ររបស់ពួកគេ។
លោក វីរ៉ាសាក់ បានថ្លែងថា លោក ប្រាវីត ដែលត្រូវបានគេជឿជាក់យ៉ាងទូលំទូលាយថា លោកមានកងកម្លាំងនៅពីក្រោយរដ្ឋាភិបាល ដែលកើតឡើងពីការបោះឆ្នោត៕ BKP/SK