លោកអគ្គលេខាធិការអង្គការណាតូ ចេនស៍ ស្ទូលថិនប៊ឺក ធ្វើសន្និសីទសារព័ត៌មាន។ រូបAFP
.jpg)
ក្រុងឡុងដ៍៖ ក្រុមមេដឹកនំាអង្គការណាតូ (NATO) បានខិតខំប្រឹងប្រែងធ្វើការបង្ហាញពីសាមគ្គីភាពកាលពីថ្ងៃពុធនៅពេលពួកគេជួបគ្នា ដើម្បីបញ្ចប់ជំនួបមួយដែលត្រូវគ្របដណ្តប់ដោយបញ្ហាជូរចត់ជាច្រើនអំពីអនាគតរបស់សម្ព័ន្ធមិត្តនេះ។
កាលពីឆ្នាំ ២០១៨ ជំនួបរបស់ក្រុមសម្ព័ន្ធមិត្តលោកខាងលិចនេះ បានបរាជ័យដោយសារការទាមទាររបស់លោកប្រធានាធិបតីអាមេរិក ដូណាល់ ត្រាំ ឲ្យចំណាយកាន់តែច្រើនសម្រាប់ការពារនៅអឺរ៉ុប ប៉ុន្តែអ្នកបង្ករឿងនៅក្នុងឆ្នាំ ២០១៩ នេះ គឺលោកប្រធានាធិបតីបារាំង អេម៉ានុយអែល ម៉ាក្រុង។
លោកប្រធានាធិបតីបារាំងរូបនេះ បានអំពាវនាវឲ្យបន្តកិច្ចពិភាក្សាជាយុទ្ធសាស្ត្រជាមួយក្រុងម៉ូស្គូ និងបានទាមទារថាប្រទេស តួកគី គួរពន្យល់ឲ្យបានច្បាស់អំពីការវាយប្រហាររបស់ខ្លួន ដែលគាំទ្រដោយក្រុមឧទ្ទាមស៊ីរី ដែលក្រុងប៉ារីសចាត់ទុកជាក្រុមជ្រុលនិយម ទៅលើកងកម្លាំងឃើដ និងការទិញប្រព័ន្ធការពារដែនអាកាស s-400 ពីរុស្ស៊ីនោះ។
សមាជិកនៃក្រុមរក្សាសន្តិភាពដឹកនាំដោយអង្គការណាតូចូលរួមពិធីផ្លាស់ប្តូរមេបញ្ជាការ។ AFP
មេដឹកនាំទាំងអស់បានជួបគ្នានៅក្នុងក្រុមខុសៗគ្នានៅក្នុងក្រុងឡុងដ៍កាលពីថ្ងៃអង្គារ មុនពេលញ៉ាំអាហារពេលល្ងាចជាមួយម្ចាស់ក្សត្រីអេលីហ្សាបេតទី ២ នៅក្នុងវិមានបាកឃីងហាម ប៉ុន្តែលោក ម៉ាក្រុង បានបដិសេធពាក្យចោទប្រកាន់របស់លោកថា យុទ្ធសាស្ត្ររបស់ណាតូ គឺជា «ខួរក្បាលងាប់» ហើយលោក ត្រាំ បានបន្តទទូចថា ទីបញ្ជាការកងទ័ពខ្លះ ធ្វេសប្រហែសនៅក្នុងការបំពេញការងាររបស់ពួកគេ។
ភាពចម្រូងចម្រាស បានឡើងកម្តៅខ្លាំង នៅថ្ងៃចុងក្រោយនៃអ្វីដែលលោកអគ្គលេខាធិការណាតូ ចេនស៍ ស្ទូលថិនប៊ឺក សង្ឃឹមថា នឹងជាការបង្ហាញសាមគ្គីភាពនៅថ្ងៃខួបលើកទី ៧០ សម្រាប់សម្ព័ន្ធមិត្តយោធាជោគជ័យបំផុតនៅក្នុងប្រវត្តិសាស្ត្រ និងបង្ហាញថា លោកខាងលិចអាចទប់ទល់ការប្រឆាំងជំទាស់ពីប្រទេស រុស្ស៊ី និងចិន៕ AFP/PSA
