លោកស្រី Maria Ressa ថ្លែងនៅការិយាល័យស៊ើបអង្កេតជាតិ។ AFP
.jpg)
ក្រុងម៉ានីលៈ អ្នកកាសែតហ្វីលីពីន លោក ស្រី Maria Ressa ដែលសារព័ត៌មានរបស់លោកស្រី បានប៉ះទង្គិច ជាមួយប្រធានាធិបតី លោក Rodrigo Duterte ម្តងហើយម្តងទៀត ត្រូវបានចាប់ខ្លួននៅឯការិយាល័យរបស់លោកស្រី នៅក្រុងម៉ានីលកាលពីថ្ងៃពុធ ជាអ្វីដែលអ្នកគាំទ្រសេរីភាពសារព័ត៌មាន ចាត់ទុកថាជាទង្វើនៃការធ្វើទុក្ខបុកម្នេញ។
ការឃុំខ្លួនលោកស្រីពីបទ «សរសេរបរិហារកេរ្តិ៍» គឺជាការបង្កើនសម្ពាធរបស់រដ្ឋាភិបាលទៅលើលោកMaria Ressa និងវេបសាយ Rappler របស់ លោកស្រី ដែលប្រឈមនឹងការចោទប្រកាន់ពីបទគេចពន្ធ ហើយកាសែតនោះអាចនឹងត្រូវបិទដែរ។
ការចាប់ខ្លួនលោកស្រី បានកើតឡើង ក្រោយពីលោកDuterte បានបង្ក្រាបទៅលើក្រុមអ្នករិះគន់លោកនៅក្នុងសារព័ត៌មាននិងអង្គនីតិប្បញ្ញត្តិ ដែលហ៊ានប្រឆាំងការចុះហត្ថលេខាក្នុងយុទ្ធនាការប្រឆាំងគ្រឿងញៀនរបស់លោក ដែលបានបណ្តាលឲ្យមនុស្សរាប់ពាន់នាក់ស្លាប់។
សហស្ថាបនិកសារព័ត៌មាន Rappler លោកស្រី Beth Frondoso បានប្រាប់កាសែត AFP ថា៖ «លោកស្រី ត្រូវបានចាប់ខ្លួន និងបានបង្ហាញអំពីសិទ្ធិរបស់លោកស្រី»។
ក្រោយមក កាសែត Rappler បានប្រកាសនៅលើគេហទំព័រធ្វីធើរថា លោកស្រី Maria Ressa ត្រូវបានគេឃុំខ្លួន ១ យប់នៅឯការិយាល័យស៊ើបអង្កេតជាតិ ជាអង្គភាព ដែលបានឃុំខ្លួនលោកស្រី ខណៈក្រុមមេធាវីរបស់លោកស្រី បាននិងកំពុងខិតខំប្រឹង ប្រែង ដើម្បីបង់ប្រាក់ធានាក្រៅឃុំឲ្យលោកស្រី។
លោកស្រី Ressa ត្រូវហ៊ុមព័ទ្ធដោយកាមេរ៉ា៕ AFP/SK
