លោកកូហ្វី អាណាន់ កាលនៅកាន់តំណែងជាអគ្គលេខាធិការអ.ស.ប.។ AFP
.jpg)
ក្រុងហ្សឺណែវៈ ពីប្រទេសកំណើតរបស់លោកអាហ្រ្វិក ដល់អាមេរិក អ្វីៗជាច្រើនបង្ហាញពីការដឹងគុណមកពីក្រុមមេដឹកនាំកំពូលៗនៅជុំវិញពិភពលោកកាលពីថ្ងៃអាទិត្យ ក្រោយពីអតីតប្រមុខអង្គការសហប្រជាជាតិ និងអ្នកការទូតកំពូលលោក កូហ្វី អាណាន់បានទទួលមរណភាពនៅអាយុ ៨០ ឆ្នាំ។
បុរសជនជាតិហ្គាណា គឺជាអ្នកការទូតអាជីពម្នាក់ ដែលមានឥទ្ធិពលខ្លាំងក្លា និងត្រូវបានសរសើរចំពោះការលើកមុខលើកមាត់របស់អង្គការពិភពលោកនេះ នៅក្នុងកិច្ចការនយោបាយសកលនៅក្នុងការកាន់តំណែង ២ អាណត្តិរបស់លោកជាប្រមុខអ.ស.ប.ពីឆ្នាំ ១៩៩៧ ដល់ឆ្នាំ ២០០៦។
អគ្គលេខាធិការទី ១ មកពីអាហ្រ្វិក សាហារ៉ា លោកអាណាន់ បានដឹកនាំអង្គការសហប្រជាជាតិឆ្លងកាត់សង្គ្រាម អ៊ីរ៉ាក់ជាច្រើនឆ្នាំ។
នៅក្នុងសេចក្តីរាយការណ៍មួយអ្នកស្នងរបស់លោកអាណាន់ជាអគ្គលេខាធិការអ.ស.ប.លោកបាន គីមូន បានថ្លែងថា លោកអាណាន់ បានដឹកនាំអង្គការសហប្រជាជាតិចូលក្នុងសតវត្សរ៍ទី ២១ ដោយមានកំណត់របៀបវារៈដ៏សំខាន់ដែលបានធ្វើឲ្យអ.ស.ប.មានសារៈសំខាន់ចំពោះសន្តិភាពវិបុលភាព និងភាពថ្លៃថ្នូរនៅជុំវិញពិភពលោក។
គ្រួសាររបស់លោកអាណាន់បាននិយាយថា លោកបានទទួលមរណភាពកាលពីថ្ងៃសៅរ៍ ក្រោយពីឈឺមួយរយៈពេលខ្លី។
ទីភ្នាក់ងារសារព័ត៌មានស្វ៊ីស ATS បានធ្វើការរាយការណ៍ថា លោកអាណាន់ ដែលរស់នៅនៅមិនឆ្ងាយពីស្នាក់ការអឺរ៉ុបរបស់អ.ស.ប.នៅក្នុងក្រុងហ្សឺណែវ បានស្លាប់នៅមន្ទីរពេទ្យក្នុងផ្នែកនៃប្រទេសនិយាយភាសាអាល្លឺម៉ង់។ លោក Antonio Guterres ពិពណ៌នាអ្នកមុនរបស់លោកថាជា «កម្លាំងដឹកនាំទៅរកផ្លូវល្អ»៕
