ក្រុងតេអេរ៉ង់ៈ មេបញ្ជាការទ័ពអាកាសអ៊ីរ៉ង់ បានប្រាប់ទៅក្រុមភ្នាក់ងារសារព៌តមានអភិរក្ស Fars កាលពីថ្ងៃអង្គារថា កងការពារបដិវត្តន៍អ៊ីរ៉ង់ បានធ្វើការវាយប្រហារ ៧០០ លើក ដោយប្រើយន្តហោះដ្រូនប្រឆាំងក្រុមរដ្ឋអ៊ិស្លាម (IS) នៅក្នុងប្រទេសស៊ីរី។
លោកឧត្តមសេនីយ៍ត្រី AmiraliHarjizadeh បានថ្លែងថា៖«យន្តហោះដ្រូនទម្លាក់គ្រាប់បែករបស់យើង បានបើកកិច្ចប្រតិបត្តិការយោធាចំនួន៧០០លើក ដោយប្រើគ្រាប់បែកឆ្លាតវ័យ (smart bomb) ប្រឆាំងក្រុងIS។
លោកឧត្តមសេនីយ៍រូបនេះ បានបន្ថែមទៀតថា៖«ក្រុមISទាំងនោះ បានប្រើប្រាស់រថក្រោះ រថពាសដែកនិងរថយន្ត ដើម្បីវាយប្រហារអត្តឃាត»។
កាលពីពេលថ្មីៗនេះ កងការពារទាំងនោះ បានប្រើប្រាស់យន្តហោះដ្រូនយោធា ដើម្បីវាយប្រហារប្រឆាំងគោលដៅរបស់ក្រុម IS នៅក្នុងប្រទេសស៊ីរី កាលពីថ្ងៃទី ១ ខែតុលា ជាការសងសឹកការវាយប្រហារបណ្តាលឲ្យមនុស្សស្លាប់ច្រើន កាលពីខែកញ្ញា ទៅលើក្បួនព្យុះហយាត្រាយោធាមួយនៅអ៊ីរ៉ងភាគនិរតី៕ SK