វ៉ាក់សាំង Johnson & Johnson។ រូបថត AFP
.jpg)
កាលពីថ្ងៃសុក្រ ទី ១៦ មេសា អ្នកវិទ្យាសាស្ត្រពីក្រុមហ៊ុនដែលផលិតវ៉ាក់សាំង Johnson & Johnson បានច្រានចោលរបាយការណ៍ដែលអះអាងថា ការរចនាវ៉ាក់សាំងរបស់ពួកគេស្រដៀងនឹងវ៉ាក់សាំង AstraZeneca ដែលអាចមានទាក់ទងនឹងការកកឈាមក្នុងខួរក្បាលដ៏កម្រ។
ការឆ្លើយតបនេះធ្វើឡើងបន្ទាប់ពីមានរបាយការណ៍មួយដែលចេញផ្សាយដោយសាកលវិទ្យាល័យ Nebraska ដែលបានបញ្ជាក់ថាការកកឈាមកម្រអាចទាក់ទងនឹងវ៉ាក់សាំងនេះ។
ក្រុមអ្នកវិទ្យាសាស្ត្របានអះអាងថា វ៉ាក់សាំងទាំង ២ ប្រភេទប្រើបច្ចេកវិទ្យាដូចគ្នា ប៉ុន្តែបង្កើតប្រូតេអ៊ីនផ្សេងៗគ្នាទៅនឹងកោសិកា។ ក្រុមអ្នកវិទ្យាសាស្ត្របានសន្និដ្ឋានថា វ៉ាក់សាំងទាំង ២ អាចមានឥទ្ធិពលជីវសាស្ត្រខុសៗគ្នា។
កាលពីដើមសប្តាហ៍នេះសហរដ្ឋអាមេរិកបានផ្អាកការប្រើប្រាស់វ៉ាក់សាំង Johnson & Johnson ដើម្បីពិនិត្យមើលករណីឈាមកកចំនួន ៦ ករណីដែលជាជំងឺស្ទះសរសៃឈាមខួរក្បាល (cerebral venous sinus thrombosis)៕
