ទីក្រុងកាប៊ុលៈ ក្រុមតាលីបង់ដែលឡើងកាន់អំណាចដោយប្រដាប់អាវុធនៅប្រទេស អាហ្វហ្គានីស្ថាន កាលពីថ្ងៃអាទិត្យបានស្នើឲ្យក្រុមហ៊ុនអាកាសចរណ៍អន្តរជាតិបន្តហោះហើរឡើងវិញទៅទីក្រុងកាប៊ុល ដោយនិយាយថា បញ្ហាបច្ចេកទេសទាំងអស់នៅឯព្រលានយន្តហោះសំខាន់របស់ប្រទេសនេះត្រូវបានដោះស្រាយរួច។
ឧបករណ៍ និងសម្ភារនៅឯព្រលានយន្តហោះកាប៊ុលរងការខូចខាតយ៉ាងខ្លាំងក្នុងពេលជម្លៀសដ៏ចលាល័យនៃប្រជាជនជាង ១២០ ០០០ នាក់ដែលបានបញ្ចប់នៅថ្ងៃទី ៣០ ខែសីហាជាមួយការដកកងទ័ពអាមេរិកចុងក្រោយ។
ចាប់តាំងពីពេលនោះមានតែការហោះហើរលក្ខណៈជួលប៉ុណ្ណោះត្រូវបានដំណើរការ ទោះបីក្រុមហ៊ុនអាកាសចរណ៍អន្តរជាតិប៉ាគីស្ថាន (PIA) ក្រុមហ៊ុនអាកាសចរណ៍អ៊ីរ៉ង់ Mahan Air និង ក្រុមហ៊ុនអាកាសចរណ៍អន្តរជាតិអាហ្វហ្គានីស្ថាន Kam Air ផ្តល់ជូនការហោះហើរមានកម្រិត។
សហគមន៍អន្តរជាតិចាំពាក្យក្រុមតាលីបង់ដែលនិយាយថាពួកគេនឹងអនុញ្ញាតឱ្យនរណាម្នាក់ចាកចេញពីប្រទេសនេះនៅពេលជើងហោះហើរពាណិជ្ជកម្មចាប់ផ្តើមឡើងវិញ។
ក្រុមហ៊ុនអាកាសចរណ៍បច្ចុប្បន្ន ដូចជា PIA និង Kam Air កំពុងគិតថ្លៃជាង ១ ២០០ ដុល្លារក្នុងជើងដែលប្រើពេលហោះហើរ ៤០ នាទីពីទីក្រុងការប៊ុលទៅអីក្រុងអ៊ីស្លាម៉ាបាត។
យោងតាមក្រុមហ៊ុនអាកាសចរណ៍ សូម្បីតែនៅក្នុងតម្លៃនោះក៏ដោយ លទ្ធផលនៃការធានារ៉ាប់រងសង្គ្រាម ការហោះហើរមិនទៀងទាត់ត្រូវបានចុះឈ្មោះយ៉ាងច្រើន។
លោក Abdul Qahar Balkhi អ្នកនាំពាក្យទើបតែងតាំងថ្មីសម្រាប់ក្រសួងការបរទេស បាននិយាយថា តាលីបង់សង្ឃឹមថា សេវាហោះហើរពាណិជ្ជកម្មនឹងចាប់ផ្តើមឆាប់ៗ។
លោកបានលើកឡើងក្នុងសេចក្តីថ្លែងការណ៍ថា៖ «ប្រជាជនអាហ្វហ្គានជាច្រើនជាប់គាំងនៅខាងក្រៅប្រទេសមិនបានវិលចូលប្រទេសកំណើតវិញបាន»។
ជាងនេះទៅទៀត ប្រជាជនអាហ្វហ្គានជាច្រើនដែលធ្វើការងារនៅនៅក្រៅប្រទេស ឬក៏បន្តការអប់រំនៅក្រៅប្រទេស ពេលនេះកំពុងប្រឈមការលំបាកក្នុងការទៅដល់គោលដៅរបស់ពួកគេ»។
សេវាហោះហើរនៅព្រលានយន្តហោះកាប៊ុលត្រូវបានស្តារស្ទើររួចរាល់ ដោយមានជំនួយបច្ចេកទេសពីប្រទេសកាតា អារ៉ាប់រួម និងប្រទេសតួកគី៕ RR