កសិករថៃប្រើប្រាស់ជីគីមី សម្រាប់វិស័យកសិកម្ម ខណៈរដ្ឋាភិបាលស្វែងរកការផ្គត់ផ្គង់វត្ថុធាតុដើមពី អារ៉ាប៊ី សាអ៊ូឌីត ។ AFP
ទីក្រុងបាងកក៖ លោក SananAngubolkol ប្រធានសភាពាណិជ្ជកម្មថៃ (TCC) បានឱ្យដឹងថា ប្រទេស អារ៉ាប៊ី សាអ៊ូឌីត បានយល់ព្រមលក់ជីទៅឱ្យប្រទេសថៃ ដើម្បីជួយសម្រាលការខ្វះខាតដែលបណ្តាលមកពីសង្គ្រាមរវាងប្រទេសរុស្ស៊ី និងអ៊ុយក្រែនដែលកំពុងបន្ត។
.jpg)
លោក Sanan គឺជាផ្នែកមួយនៃគណៈប្រតិភូធុរកិច្ចដែលបានដឹកនាំដោយលោក Don Pramudwinai រដ្ឋមន្ត្រីក្រសួងការបរទេសដែលធ្វើទស្សនកិច្ចនៅប្រទេសអារ៉ាប៊ីសាអូឌីត ដើម្បីស្វែងរកឱកាសអាធុរកិច្ច។
លោកប្រធាន TCC រូបនោះបានឱ្យដឹងថា លោក Don បានជំរុញឱ្យលោក Khalid Al-Falih រដ្ឋមន្ត្រីក្រសួងវិនិយោគ ប្រទេសអារ៉ាប៊ី សាអ៊ូឌីតពិចារណាការលក់ជីឱ្យប្រទេសថៃនៅក្នុងកិច្ចប្រជុំមួយនៅទីក្រុងរីយ៉ាដកាលពីថ្ងៃអាទិត្យ។
លោក Al-Falih បានលើកឡើងថាទោះបីជាប្រទេសជាច្រើនបានស្នើសុំស្រដៀងគ្នានេះក៏ដោយក៏ប្រទេសអារ៉ាប៊ី សាអ៊ូឌីតផ្តល់អាទិភាពលើទំនាក់ទំនងរបស់ខ្លួនជាមួយប្រទេសថៃ ហើយថាលោកបានណែនាំក្រុមហ៊ុនផ្គត់ផ្គង់ជួបគណៈប្រតិភូកាលពីថ្ងៃអង្គារ។
លោកក៏បានបញ្ជាក់ផងដែរថា លោកបានណែនាំក្រុមហ៊ុន ប្រទេសអារ៉ាប៊ី សាអ៊ូឌីតចំនួន ១៤០ ឱ្យចូលរួមក្នុងវេទិកាវិនិយោគប្រទេសអារ៉ាប៊ី សាអ៊ូឌីត និងប្រទេសថៃនៅថ្ងៃចន្ទ ដើម្បីស្វែងរកឱកាសពាណិជ្ជកម្ម និងការវិនិយោគជាមួយធុរកិច្ចថៃ។
តំណាងក្រុមហ៊ុនថៃប្រមាណ ៤០ នាក់ក៏បានចូលរួមក្នុងវេទិកានេះផងដែរ។
លោក Sanan បានថ្លែងថា៖ «វាជារឿងល្អមួយ ដែលរដ្ឋាភិបាលអាចដោះស្រាយបញ្ហាជី និងកំពុងពង្រីកឱកាសពាណិជ្ជកម្ម»។
ទំនាក់ទំនងមិត្តភាពរវាងប្រទេសថៃ និងអារ៉ាប៊ីសាអ៊ូឌីត ត្រូវបានរលាយកាលពីខែមករា បន្ទាប់ពីត្រូវបានជាប់គាំងអស់រយៈពេលជាង ៣ ទសវត្សរ៍ ដោយសារតែបញ្ហា Blue DiamondAffair៕The Nation-ANN/LA
