ស្ថានទូត​ម៉ាឡេស៊ី ប្រចាំ​កម្ពុជា​កាលពី​ល្ងាច​ថ្ងៃទី​ ៩ ខែតុលា បាន​រៀបចំ​កម្មវិធី​ពិសា​អាហារ​ពេល​ល្ងាច​នៅ​សណ្ឋាគារ Rosewood Phnom Penh សម្រាប់​អតីត​និស្សិត​អាហារូបករណ៍​នៃ​កម្មវិធី​កិច្ចសហប្រតិបត្តិការ​បច្ចេកទេស (MTCP) ដែល​ធ្លាប់​បាន​ទៅ​សិក្សា​នៅឯ​ប្រទេស​ម៉ាឡេស៊ី​ចន្លោះ​ពី​ឆ្នាំ ២០១៥ និង​ ២០១៩​។ គោលបំណង​នៃ​កម្មវិធី​នេះ​គឺ​ដើម្បី​លើកកម្ពស់​ការតភ្ជាប់​ទំនាក់ទំនង​ និង​ជំរុញ​ចំណង​មិត្តភាព​ឱ្យ​កាន់តែ​រឹងមាំ ហើយ​ក៏​ជា​ការបង្កើត​ទំនាក់ទំនង​ឱ្យ​កាន់តែ​ជិតស្និទ្ធ និង​ដើម្បី​ពង្រឹង​បណ្តាញ​រវាង​មន្ត្រី​ស្ថានទូត ប្រជាជន​ម៉ាឡេស៊ី និង​អតីត​និស្សិត​កម្ពុជា​នៃ​កម្មវិធី MTCP ផងដែរ​។ ពិធី​ដ៏រីករាយ​នោះ​ប្រព្រឹត្ត​ធ្វើឡើង​ក្រោម​វត្តមាន​ឯកឧត្តម Eldeen Husaini Mohd Hashim ឯកអគ្គរាជទូត​ម៉ាឡេស៊ី​ប្រចាំ​កម្ពុជា​រួម​នឹង​វត្តមាន​ភ្ញៀវកិត្តិយស​ជាច្រើន​រូប​ទៀត​៕ រូបថត នាង សុភាព