កាលពី​ថ្ងៃ​ព្រហស្បតិ៍ ទី​ ១៤ ខែ​មីនា សប្តាហ៍​មុន ហាងកាហ្វេ Hard Rock Café ភ្នំពេញ​បាន​រៀបចំ​កម្មវិធី​ជប់លៀង​សម្រាប់​អ្នក​អត់​គូ​លើក​ដំបូង​របស់​ខ្លួន​ដែល​មាន​ឈ្មោះ​ថា Hard Rock Singles Party និង​បាន​នាំ​មក​នូវ​ការជួបជុំ​ដ៏សប្បាយរីករាយ​បំផុត (Meet & Mingle) ដែល​មាន​ម្ហូបអាហារ ស្រាក្រឡុក​ដ៏ឈ្ងុយឆ្ងាញ់​រួម​ជាមួយ​តន្ត្រី​ដ៏ពីរោះ​​រណ្តំ​ចិត្ត​ក្នុង​នោះ​ក៏​មាន​ការចូលរួម​ពី​ឌីជេ Marcus iLL និង​ឌីជេ Lyka ផង​ដែរ​ដែល​ញុំាំង​ឲ្យ​កម្មវិធី​ជប់លៀង​នោះ​កាន់តែ​រំភើប​ទ្វេ​ឡើង​។ លោក Richard Tan ប្រធាន​​ផ្នែក​ទីផ្សារ​របស់​ក្រុមហ៊ុន Hard Rock ប្រចាំ​កម្ពុជា​​ថ្លែង​ថា​៖ «​ពិធីជប់លៀង​ដ៏សប្បាយ​រីករាយ​នេះ​មាន​ការ​ចូលរួម​ពី​ភ្ញៀវកិត្តិយស​ជាង ១៥០​ នាក់​ទាំង​អ្នក​នៅ​លីវ និង​អ្នក​មាន​គូ​ហើយ​ក្នុង​គោលបំណង​ដើម្បី​បង្កើត​បរិយាកាស​ជួបជុំ​ពេល​ល្ងាច​ឲ្យ​សប្បាយរីករាយ និង​មនោរម្យ​សម្រាប់​អ្នក​អត់​គូ​បាន​ស្គាល់​គ្នា​ និង​បង្កើន​ចំណងមិត្តភាព​ឲ្យ​កាន់តែ​ជិតស្និទ្ធ​»​។ Photos supplied