អគ្គនាយក​ធនាគារ​កម្ពុជា​សាធារណៈ​លោក Ong Ming Teck កាលពី​ថ្ងៃទី​ ១១ ខែកុម្ភៈ​បាន​ជួប​សម្តែង​ការគួរសម​ជាមួយ​ឯកអគ្គរាជទូត​ម៉ាឡេស៊ី​ប្រចាំ​កម្ពុជា ឯកឧត្តម Eldeen Husaini Mohd Hashim ។ ក្នុង​ដំណើរ​ទស្សនកិច្ច​នោះ លោក Ong បានប្រគល់​ជូន​សៀវភៅ​ ១ ​ក្បាល​ទុក​ជា​អនុស្សាវរីយ៍​កម្រាស់ ១៦៨ ​ទំព័រ​ស្តីអំពី​ស្ថាបនិក​ធនាគារ Public Bank ដោយ​សៀវភៅ​នោះ​មាន​ចំណងជើង​ថា « Legendary: The Man. The Mission. The Masterclass – Tan Sri Dato’ Sri Dr Teh Hong Piow»​។ លោក Ong ក៏បាន​ណែនាំ​លោក ពៅ សុវណ្ណារិទ្ធិ (Peou Sovannarith) ជា​អគ្គនាយក​ថ្មី​នៃ​ក្រុមហ៊ុន Campu Securities Plc និង​លោក Soh Jiun Hong ប្រធាន​គ្រប់គ្រង​ទូទៅ​ក្រុមហ៊ុន​ធានារ៉ាប់រង Campu Lonpac Insurance Plc ឱ្យ​ស្គាល់​ឯកអគ្គរាជទូត​ផងដែរ​៕ photos supplied