ឯកអគ្គរាជទូត​ម៉ាឡេស៊ី​ប្រចាំ​កម្ពុជា ឯកឧត្តម Eldeen Husaini Mohd Hashim បាន​ដឹកនាំ​គណៈប្រតិភូ​មួយក្រុម​ទៅ​បំពេញ​ទស្សនកិច្ច​នៅ​បញ្ជាការដ្ឋាន​កងពលតូច​ទ័ព​ពិសេស​ឆត្រយោង​ ៩១១ ក្នុង​ខេត្តកណ្តាល​កាលពី​ថ្ងៃ​ព្រហស្បតិ៍​សប្តាហ៍​មុន​។ ក្នុង​ដំណើរ​ទស្សនកិច្ច​នោះ ឯកឧត្តម Eldeen បាន​ជួបពិភាក្សា​ជាមួយ​ឯកឧត្តម ឧត្តមសេនីយ៍ឯក ចាប ភក្ដី មេបញ្ជាការរង​កងទ័ព​ជើងគោក និង​ជា​មេបញ្ជាការ​កងពលតូច​ទ័ព​ពិសេស​ឆត្រយោង​ ៩១១ ​។ ក្នុងអំឡុង​ដំណើរ​ទស្សនកិច្ច​នោះ គណៈប្រតិភូ​ដែល​រួមមាន មន្ត្រីការទូត​ម៉ាឡេស៊ី​ត្រូវ​បាន​ទទួល​ស្វាគមន៍​យ៉ាង​កក់ក្តៅ​ពី​ក្រុម​កងកម្លាំង​ពិសេស ហើយ​ដំណើរ​ទស្សនកិច្ច​នេះ​ក៏​ដើម្បី​ពង្រឹង​ទំនាក់ទំនង​យោធា​រវាង​សមាជិក​អាស៊ាន​ទាំង​ ២ ​ផងដែរ​៕ រូបថត សហការី