សហគ្រិនសញ្ជាត្តិខ្មែរ-អូស្ត្រាលី លោក Han Khim កាលពីថ្ងៃសុក្រកន្លងទៅ បានសម្ពោធស្រាទំពាំងបាយជូរ Mojo Wines នៅសណ្ឋាគារឈានមុខមួយ ក្នុងគោលបំណងផ្សព្វផ្សាយនៅទីផ្សារក្នុងស្រុក។ ស្រាទំពាំងបាយជូរ Mojo Wines ត្រូវបាននាំចូលពីប្រទេសអូស្ត្រាលីខាងត្បូង ដែលបានផលិតឡើងក្នុងគោលបំណងឱ្យស័ក្តិសមនឹងតម្លៃសមរម្យសម្រាប់អតិថិជនយុវវ័យ ដូចជាមានរសជាតិឆ្ងាញ់ និងមានភាពងាយស្រួលក្នុងការទទួលទាន។ ជាមួយជម្រើសដ៏ពេញនិយម រួមនឹងស្រាទំពាំងបាយជូរបែប ២ រសជាតិ លោក Han Khim សង្ឃឹមថានឹងអាចនាំមកជូនយុវវ័យជំនាន់ថ្មីដែលចូលចិត្តញុំាស្រាឱ្យរីករាយជាមួយនឹងស្រាទំពាំងបាយជូរមួយនេះ។ លោក Han ថ្លែងថា៖ «នៅពេលដែលខ្ញុំនៅជានិស្សិតវ័យក្មេងនៅប្រទេសអូស្ត្រាលី ខ្ញុំតែងតែមើលឃើញថា ពេលវេលាដែលខ្ញុំចងចាំបំផុតគឺការចែករំលែកជាមួយមិត្តភក្តិរបស់ខ្ញុំអំពីម្ហូបអាហារឈ្ងុយឆ្ងាញ់ និងស្រាល្អៗ។ ឥឡូវនេះ ១០ ឆ្នាំក្រោយ ស្រាទំពាំងបាយជូរ Mojo wines បានធ្វើឱ្យខ្ញុំនឹកឃើញឡើងវិញនូវពេលវេលាទាំងនោះ។ ស្រាទំពាំងបាយជូរ Mojo មានលក់នៅគ្រប់ហាង S Liquor និងហាងលក់រាយដទៃទៀតនៅក្នុងរាជធានីភ្នំពេញ៕ photoS SUPPLIED