ប្រឆាំងជំងឺកូវីដ ១៩ តាមរយៈគ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន ដើម្បីរួមចំណែកក្នុងការប្រយុទ្ធប្រឆាំងនឹងជំងឺកូវីដ ១៩ ដែលកំពុងបន្តរីករាលដាលក្នុងសហគមន៍នៃប្រទេសកម្ពុជា កាលពីថ្ងៃទី ២៣ ខែកញ្ញា ឆ្នាំ២០២១ កន្លងទៅនេះ ធនាគារ ណុងហឹប នៃសាធារណរដ្ឋកូរ៉េ បានផ្តល់ជូនសម្ភារមួយចំនួនដូចជា ឧបករណ៍តេស្តកូវីដ ១៩ (Rapid Test) ចំនួន ១ ២០០ ម៉ាស់ (KN94) ចំនួន ១០ ០០០ ម៉ាស់ អាល់កុលចំនួន ៩០០ លីត្រ ថ្នាំដុសធ្មេញចំនួន ២ ០០០ ដប ច្រាសដុសធ្មេញចំនួន ១ ០០០ ដើម សាប៊ូដុំចំនួន ១ ៨០០ ដុំ ជែលសម្លាប់មេរោគចំនួន ២៥០ ដប និងមី (ផលិតផលកូរ៉េ) ចំនួន ២ ០០០ កញ្ចប់ ដល់ក្រសួងសុខាភិបាលតាមរយៈគ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន (ខេមបូឌា) ម.ក ក្រោមអធិបតីភាពដ៏ខ្ពង់ខ្ពស់របស់លោកជំទាវ វេជ្ជ. យក់ សម្បត្តិ រដ្ឋលេខាធិការ ក្រសួងសុខាភិបាល។
ធនាគារ ណុងហឹប មានមូលដ្ឋាន និងអាជីវកម្មធំជាងគេនៅប្រទេសកូរ៉េខាងត្បូង ហើយបានជ្រៀតចូលខ្លួនទៅក្រៅប្រទេសតាមរយៈសាខាបរទេសនៅសហរដ្ឋអាមេរិក និងវៀតណាម ស្ថាប័នមីក្រូហិរញ្ញវត្ថុនៅមីយ៉ាន់ម៉ា និងកម្ពុជា ហើយការិយាល័យតំណាងនៅប្រទេសចិន និងឥណ្ឌា។
ណុងហឹប ហ្វាយនែន គឺជាក្រុមហ៊ុនបុត្រសម្ព័ន្ធនៃធនាគារ ណុងហឹប ហើយបច្ចុប្បន្ន ណុងហឹប ហ្វាយនែន កំពុងធ្វើប្រតិបត្តិការនៅរាជធានីភ្នំពេញ និងខេត្តចំនួន ១១ គឺ ខេត្តកណ្តាល កំពង់ស្ពឺ តាកែវ កំពត កែប ព្រះសីហនុ កំពង់ធំ សៀមរាប ព្រៃវែង ស្វាយរៀង និង ខេត្តកំពង់ចាម ដើម្បីផ្តល់ជូនផលិតផល និងសេវាកម្មហិរញ្ញវត្ថុដល់ប្រជាជនកម្ពុជា។
លើសពីនេះទៀត ណុងហឹប ហ្វាយនែន មិនត្រឹមតែផ្តល់នូវផលិតផលហិរញ្ញវត្ថុប៉ុណ្ណោះទេ ថែមទាំងចូលរួមក្នុងកម្មវិធីជួយសង្គមជាច្រើនផងដែរ ក្នុងនោះរួមមាន ការបណ្តុះបណ្តាលកសិកម្ម ការបណ្តុះបណ្តាលការគ្រប់គ្រងហិរញ្ញវត្ថុគ្រួសារ ការវេចខ្ចប់ចំណីអាហារ និងសកម្មភាពសង្គមផ្សេងៗទៀតដែលជាការចូលរួមចំណែកក្នុងការអភិវឌ្ឍសង្គម និងសេដ្ឋកិច្ចប្រជាជនកម្ពុជា ជាពិសេសក្នុងការចូលរួមយ៉ាងសកម្មក្នុងការទប់ស្កាត់ការរីករាលដាលនៃជំងឺកូវីដ ១៩ ជាមួយរាជរដ្ឋាភិបាលនាពេលបច្ចុប្បន្ន៕ photo SUPPLIED