ផ្សារមូលបត្រកម្ពុជា (ផ.ម.ក) កាលពីថ្ងៃទី ១៦ ខែឧសភា បានរៀបចំ «សន្និសីទជាតិស្តីពីផ្សារមូលបត្រកម្ពុជា» ក្រោមប្រធានបទ «មួយទសវត្សរ៍នៃការអភិវឌ្ឍទីផ្សារមូលបត្រកម្ពុជា និងដំណើរឆ្ពោះទៅមុខ» ស្របពេលប្រារព្ធខួប ១០ ឆ្នាំនៃដំណើរការទីផ្សារមូលបត្រកម្ពុជា នៅឯសណ្ឋាគារឈានមុខមួយក្នុងរាជធានីភ្នំពេញ។ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានអញ្ជើញជាអធិបតីដ៏ខ្ពស់ខ្ពស់នៅក្នុងពិធីបើកសន្និសីទដែលមានរយៈពេល ៣ ថ្ងៃនោះ រួមជាមួយវត្តមានរបស់ឥស្សរជននៅក្នុងវិស័យនេះ ក៏ដូចជាវត្តមានរបស់អ្នកសារព័ត៌មានជាច្រើនរូបទៀត។ ផ្សារមូលបត្រកម្ពុជា (ផ.ម.ក) ក៏បានដាក់ឱ្យដំណើរការនូវកម្មវិធីជួញដូរតាមទូរស័ព្ទ (CSX Trade App) ដែលអនុញ្ញាតឱ្យវិនិយោគិនកាន់តែងាយស្រួលក្នុងការជួញដូរមូលបត្រតាមទូរស័ព្ទ។ នៅក្នុងសន្និសីទនោះដែរ លោក ម៉ៃ គុណមករា ការីនិពន្ធព័ត៌មានសេដ្ឋកិច្ចនៃការសែតភ្នំពេញប៉ុស្តិ៍ក៏បានទទួលពានរង្វាន់អ្នកសារព័ត៌មានឆ្នើមក្នុងវិស័យមូលបត្រ (Outstanding Securities Industry Journalist) ផងដែរ៕ photos hong menea