ក្រុមហ៊ុន Overseas Cambodian Investment Corporation (OCIC) កាលពីថ្ងៃអង្គារបានបើកសម្ពោធគម្រោងខុនដូ Diamond Bay Garden ដែលជាគម្រោងខុនដូរដ៏ល្អឥតខ្ចោះសម្រាប់ការរស់នៅដ៏ស៊ីវីល័យ ស្ថិតនៅក្នុងទីក្រុងរណបកោះពេជ្រក្នុងរាជធានីភ្នំពេញ។ គម្រោងខុនដូរ Diamond Bay Garden កម្ពស់ ៣៩ ជាន់នេះ មានទីតាំងស្ថិតនៅតំបន់បណ្តុំទៅដោយទីតាំងពាណិជ្ជកម្មចម្រុះជាច្រើនដូចជា ផ្សារទំនើបអ៊ីអនម៉ល ១ ជាដើម។ លោក Charles Vann អគ្គនាយករងកាណាឌីយ៉ាគ្រុបបានមានប្រសាសន៍ថាក្នុងនាមជាក្រុមហ៊ុនអភិវឌ្ឍន៍អចលនទ្រព្យដែលកំពុងរីកចម្រើនលឿនបំផុតនៅក្នុងព្រះរាជាណាចក្រកម្ពុជា ក្រុមហ៊ុន OCIC កំពុងផ្តល់នូវអាគារពាណិជ្ជកម្ម និងលំនៅឋានដ៏ល្អឥតខ្ចោះ សម្រាប់អ្នកវិនិយោគកម្ពុជាគ្រប់រូបឱ្យទទួលបាននូវបរិយាកាសរស់នៅប្រកបដោយនិរន្តរភាព និងសម្រាប់ការរស់នៅដ៏ស៊ីវីល័យ៕ photos supplied