គណៈកម្មការមូលបត្រកម្ពុជា (SECC) និងក្រុមហ៊ុនរួយហ្វេងធានហ្វូ អ៊ិនវេសម៉ិន ឯ.ក ជាក្រុមហ៊ុនពហុផលិតផលរបស់ចិនកាលពីថ្ងៃចន្ទសប្តាហ៍មុនបានចុះអនុស្សរណៈនៃការយោគយល់គ្នា «ស្តីពីការពិគ្រោះយោបល់ និងការគាំទ្រផ្នែកបច្ចេកទេសសម្រាប់ការអភិវឌ្ឍទីផ្សារខុម៉ូឌីធី និងទីផ្សារអនាគតនៅកម្ពុជា»។ ទីផ្សារនេះក៏នឹងបង្កើត platform មួយសម្រាប់លើកកម្ពស់ការជួញដូរផលិតផលកសិកម្មនៅពេលអនាគតផងដែរ។ ឯកឧត្តម ស៊ូ សុជាតិ អគ្គនាយក SECC និងលោក Chen Xin អ្នកគ្រប់គ្រងទូទៅនៃក្រុមហ៊ុនរួយហ្វេងធានហ្វូ បានចុះហត្ថលេខាលើអនុស្សរណៈនៃការយោគយល់គ្នានេះ ដើម្បីរួមគ្នាសិក្សាពីលទ្ធភាពលើការធ្វើពាណិជ្ជកម្មខុម៉ូឌីធីនាពេលអនាគត៕ រូបថត ហ៊ាន រង្សី