បុរសជាច្រើនយល់ថា ធ្វើជាគូស្នេហ៍ដ៏ល្អគួរតែមានភាពជាបុរសពិត។ ជាមួយគំនិតគិតថា ដោយមានសមត្ថភាពជួយដៃគូឲ្យស្គាល់ត្រើយសុខនៃកាមគុណគឺជាសញ្ញាបញ្ជាក់ថា ខ្លួនជាបុរសពិតមានភាពរឹងមាំនិងអាចផ្ដួលអស់គូប្រជែង។
ចុះបើស្ថិតក្នុងវេលាផ្ដល់ភាពរំជើបរំជួលឱ្យដៃគូតើបុរសពិតអាចធ្វើអ្វីបានខ្លះ? ជាអកុលសបុរសជាច្រើនមិនខ្វល់ថា បញ្ហាឆាប់ចេញទឹកកាមជាអ្វី ឬតើវាមានមុខងារដូចម្ដេច ដោយសារវាជាអ្វីដែលមិនសូវមាននៅក្នុងការអប់រំផ្លូវភេទស៊ីជម្រៅ។
តើការឆាប់ចេញទឹកកាមជាអ្វី?
ដើម្បីគាស់កកាយបញ្ហាជីកកប់អំពីការចេញទឹកកាមបុរស វាពិតជាសំខាន់ណាស់ដែលដំបូងត្រូវដឹងពីអ្វីទៅជាការឆាប់ចេញទឹកកាមជាមុនសិន។
ការរឆាប់ចេញទឹកកាមមិនមែនជាសំណួរសួរថា តើបុរសគួរមានប្រតិបត្ដិការរយៈពេលប៉ុន្មាន តែជារយៈពេលដែលអ្នកត្រូវការបើធៀបនឹងការរំពឹងចង់បាន។
អ្នកស្រី តាមីរ៉ូស ម្ចាស់ហាង Romantic Adventures បាននិយាយថា៖ «ការឆាប់ចេញទឹកកាម គឺនៅពេលបុរសបាញ់បញ្ចេញទឹកកាមមុនពេលខ្លួន ឬភាគីខាងស្រីមិនទាន់ចង់ឱ្យចេញ»។
មនុស្សជាច្រើនយល់ថា ការឆាប់ចេញទឹកកាមកើតឡើងអំពីពេលរួមភេទ ដោយផ្ដោតលើការដាក់បញ្ចូលប្រដាប់ភេទ តែមិនប្រាកដទាំងអស់នោះទេ។
អ្នកជំនាញផ្លូវភេទ SKYN Condoms និងអ្នកនិពន្ធ Gigi Engle បាននិយាយថា៖ «ជាទូទៅ វាត្រូវបានកំណត់ដោយការរួមភេទ តែពេលនេះវាត្រូវបានស្គាល់យ៉ាងទូលំទូលាយថា ជាសកម្មភាពរួមភេទណាមួយ»។
វាគ្មានបញ្ហាអ្វីទេ បើវាកើតឡើងម្ដងកាល លុះត្រាតែបុរសរមែងជួបប្រទះបទពិសោធឆាប់ចេញទឹកកាមជារឿយៗ។ បើបុរសឆាប់បាញ់ទឹកកាមត្រឹមតែ ១៥ វិនាទី ក្រោយដាក់បញ្ចូលប្រដាប់ភេទ នៅពេលដៃគូប្រាថ្នារយៈពេលកន្លះម៉ោង ចូរចងចាំថា វាជាបញ្ហាឆាប់ចេញទឹកកាមហើយ។ បើក្នុងករណី អ្នកបាញ់ទឹកកាមរយៈពេល ៦នាទីក្រោយសកម្មភាពសិចតាមមាត់ ពេលអ្នកចង់ស្ទុះឱ្យដល់ ១២ នាទី នោះក៏ ហៅថា ឆាប់ដែរ។
វាជាសំណួរថា តើវាប៉ះពាល់ដល់ជិវិតផ្លូវភេទអ្នកឬទេ។ បើអ្នកតែងតែបាញ់ទឹកត្រឹមតែ ៣ ទៅ ៤ នាទី តែអ្នកទាំងពីររីករាយចំពោះវា បញ្ហាឆាប់ចេញទឹកកាមមិនមែនចំណោទឡើយ។
មូលហេតុនាំឱ្យឆាប់ចេញទឹកកាម?
ជាអកុសល គ្មានចម្លើយណាមួយអាចឆ្លើយនឹងបញ្ហាបង្កឱ្យឆាប់ចេញទឹកកាម។
Shadeen Francis អ្នកឯកទេសអាជ្ញាប័ណ្ណខាងអាពាហ៍ពិពាហ៍ និងគ្រួសារ ដែលជំនាញលើការព្យាបាលផ្លូវភេទ និងយត្ដិធម៌សង្គម បាននិយាយថា៖ «មូលហេតុពិតប្រាកដ មិនត្រូវបានដឹងនោះទេ ដោយមានទិន្នន័យតិចតួចពាក់ព័ន្ធនឹងសម្មិតកម្មជិវសាស្ដ្រ និងចិត្ដវិទ្យា រួមទាំង តក់ក្រហល់ និងឆាប់រំជើបរំជួលពេក»។
អ្នកជំនាញបានបន្ដថា៖ «វាអាចជាមូលហេតុសមស្របបំផុតដែលត្រូវនិយាយថា ធាតុបង្កមានការខុសប្លែកគ្នាទៅតាមបុគ្គលនីមួយៗ និងតាមកាលៈទេសៈ ដូចជា ការប្រើប្រាស់សារធាតុហាមឃាត់ ប្រវត្ដិឆាប់ចេញទឹកកាម កត្ដាសុខភាព និងទម្លាប់នៃការរួមភេទ»។
ប៉ុន្ដែមុនពេលស្វែងយល់ពីការចេញទឹកកាមកើតឡើងតាមរបៀបណា សំខាន់គួរតែដឹងថា តើវាដំណើរការតាមរបៀបណា និងមានរយៈពេលប៉ុន្មាន។
អ្នកស្រី រ៉ូស បានពន្យល់ថា៖ «ការបាញ់ទឹកកាមកើតឡើងពេលសាច់ដុំនៅគល់លិង្គរួម តែសញ្ញារុញច្រានឱ្យសាច់ដុំបង្រួញត្រូវបានធ្វើឡើងដោយប្រព័ន្ធប្រសាទកណ្ដាល។ ដូច្នេះ អ្នកត្រូវស្វែងយល់ថា បើវាជាបញ្ហាផ្នែកសូហ្វវែល (ការជំរុញផ្លូវអារម្មណ៍) បញ្ហាហាដវែល (ភាពខ្លាំង ឬខ្សោយនៃសាច់ដុំ) ឬ បញ្ហាអគ្គិសនី (ប្រព័ន្ធប្រសាទមិនដំណើរការ ឬមានការខុសឆ្គងអ្វីមួយ)»៕ HR