កាលពីថ្ងៃពុធ ក្រុមហ៊ុន Pfizer Inc (PFE.N) បង្កើនការព្យាករពីការលក់វ៉ាក់សាំងការពារជំងឺកូវីដ ១៩ របស់ខ្លួននៅឆ្នាំ ២០២១ ឱ្យបានកើន ២៩ ភាគរយ ឬ ស្មើនឹង ៣៣,៥ ពាន់លានដុល្លារហើយបាននិយាយថា ខ្លួនជឿជាក់ថា មនុស្សនឹងត្រូវការការចាក់វ៉ាក់សាំងដូសទី៣ ខណៈក្រុមហ៊ុននេះ ក៏បានចាប់ដៃគូជាមួយក្រុមហ៊ុនអាល្លឺម៉ង់ BioNTech ដើម្បីពង្រឹងសមត្ថភាពវ៉ាក់សាំងប្រឆាំងនឹងវីរុស។
ក្រុមហ៊ុនបាននិយាយថា ខ្លួនអាចដាក់ពាក្យស្នើសុំការអនុញ្ញាតឱ្យប្រើគ្រាអាសន្ន (EUA) សម្រាប់កម្រិតថ្នាំបន្ថែមប្រសិទ្ធភាព (ដូសទី៣) នៅដើមខែសីហា។ទិន្នន័យបានបង្ហាញថា ដូសទី៣ បានបង្កើតអង្គបដិបក្ខប្រាណប្រឆាំងនឹងមេរោគខ្ពស់ជាងមនុស្សវ័យក្មេង ៥ ដង និងខ្ពស់ជាងមនុស្សចាស់ ១១ ដង បើធៀបនឹងសមត្ថភាពវ៉ាក់សាំង ២ ដូស ដែលប្រឆាំងនឹងវ៉ារ្យ៉ង់ Delta។
នៅខែក្រោយផងដែរ ក្រុមហ៊ុន Pfizer និង BioNTech គ្រោងនឹង ធ្វើតេស្តវ៉ាក់សាំងពិសេសមួយដែលត្រូវបានរចនាឡើងជាពិសេស ដើម្បីប្រឆាំងនឹងវ៉ារ្យ៉ង់ Delta ដែលរីករាលដាលយ៉ាងឆាប់រហ័ស ដោយបច្ចុប្បន្នកញ្ចប់ដំបូងផលិតរួចហើយ៕