រដ្ឋមន្រ្តីឥណ្ឌាប្រែមកបែរកម្មវិធី Koo បន្ទាប់ពីមានភាពចម្រូងសម្រាសជាមួយ Twitter។ AFP
.jpg)
ក្រសួងនិងរដ្ឋមន្រ្តីរដ្ឋាភិបាលឥណ្ឌាជាច្រើននាក់ជ្រើសយកការប្រើប្រាស់បណ្តាញសង្គម Koo បន្ទាប់ពីមានភាពចម្រូងចម្រាសជាមួយបណ្តាញសង្គម Twitter។
រដ្ឋបាលរបស់នាយករដ្ឋមន្រ្តីឥណ្ឌា លោក Narendra Modi មានភាពចម្រូងចម្រាសជាមួយក្រុមហ៊ុន Twitter កាលពីខែកុម្ភៈនៅពេលដែលក្រុមហ៊ុននេះ បដិសេធមិនគោរពតាមបទបញ្ជារបស់ប្រទេសនេះដោយមិនដកគណនី និងចោទប្រកាន់ទៅលើករណីមួយចំនួនបានផ្សព្វផ្សាយព័ត៌មានមិនពិតអំពីការតវ៉ារបស់កសិករ ដែលជាការបង្ហាញដ៏ធំបំផុតនៃការប្រឆាំងរដ្ឋាភិបាល។
ក្រុមហ៊ុន Twitter បានអះអាងថា ការស្នើសុំខ្លះមិនស្របតាមច្បាប់របស់ឥណ្ឌាឡើយ។ជម្លោះនេះ បានធ្វើឱ្យរដ្ឋមន្រ្តីឥណ្ឌាមួយចំនួនប្រើប្រាស់កម្មវិធី Koo ដែលកម្មវិធីនេះសម្រួលមាតិកាជាភាសាឥណ្ឌា។ ផ្នែកគ្រប់គ្រងគ្រោះមហន្តរាយនៃរដ្ឋ Uttar Pradesh ដែលជារដ្ឋដែលមានប្រជាជនច្រើនបំផុតនៅឥណ្ឌា បានបង្ហោះសារប្រាប់អ្នកដែលមាននៅក្នុងប្រព័ន្ធផ្សព្វផ្សាយរបស់ខ្លួនចំនួន ២១ ៩០០ នាក់ ឱ្យរួមប្រើប្រាស់កម្មវិធី Koo៕
