ការរៀបអាពាហ៍ពិពាហ៍សម្រាប់អ្នកស្រលាញ់ភេទដូចគ្នានៅស្វ៊ុីស។ AFP
.jpg)
ស្ទើរតែ ២ ភាគ ៣ នៃអ្នកបោះឆ្នោតនៅ ប្រទេសស្វ៊ិស បានបោះឆ្នោត គាំទ្រអាពាហ៍ពិពាហ៍សម្រាប់ភេទដូចគ្នានៅក្នុងការធ្វើប្រជាមតិមួយ។ ប្រហែល ៦៤ ភាគរយនៃប្រជាជនសរុបបានគាំទ្រវិធានការនេះដែលធ្វើឱ្យប្រទេសមួយនេះ ក្លាយជាប្រទេសចុងក្រោយនៅអឺរ៉ុបខាងលិច ដែល អនុញ្ញាតឱ្យអាពាហ៍ពិពាហ៍ភេទដូចគ្នា មានភាពស្របច្បាប់។
អ្នកធ្វើយុទ្ធនាការ បានសាទរការបោះឆ្នោតនេះថាជាពេលវេលាប្រវត្តិសាស្ត្រ សម្រាប់សិទ្ធិអ្នកស្រឡាញ់ភេទដូចគ្នានៅក្នុងប្រទេសមួយនេះ។ នៅក្នុងការបង្កើតការបោះឆ្នោតក្រុមសាសនានិង គណបក្សនយោបាយអភិរក្ស បានប្រឆាំងនឹងគំនិតនេះដោយនិយាយថា វានឹងធ្វើឱ្យប៉ះពាល់ដល់គ្រួសារបែបប្រពៃណីជាច្រើន។ ប្រទេស ស្វ៊ុីស បានអនុញ្ញាតឱ្យគូស្នេហ៍ភេទដូចគ្នា ចុះបញ្ជីភាពជាដៃគូតាំងពីឆ្នាំ ២០០៧ ប៉ុន្តែសិទ្ធិខ្លះត្រូវបានរឹតត្បិត។វិធានការនេះ នឹងធ្វើឱ្យគូស្វាមីភរិយាភេទដូចគ្នា អាចទទួលយកកូនដែលមិនជាប់សាច់ឈាម និងសម្រាប់គូស្វាមីភរិយាស្រឡាញ់ភេទដូចគ្នាដែលរៀបការហើយ អាចមានកូនតាមរយៈការបរិច្ចាគមេជីវិតឈ្មោល។
ចំណាត់ការនេះ នឹងធ្វើឱ្យប្រទេសស្វីសក្លាយជា ប្រទេសទី៣០ នៅលើពិភពលោកដែលទទួលយកអាពាហ៍ពិពាហ៍ភេទដូចគ្នា។
លោក Jan Muller នៃគណៈកម្មាធិការយុទ្ធនាការ «Yes»បានប្រាប់ AFP ថា «វាជាថ្ងៃប្រវត្តិសាស្ត្រសម្រាប់ប្រទេសស្វ៊ុីស ដែលជាថ្ងៃប្រវត្តិសាស្រ្តដែលនិយាយអំពីភាពស្មើគ្នាចំពោះគូស្នេហ៍ភេទដូចគ្នាហើយ វាក៏ជាថ្ងៃដ៏សំខាន់សម្រាប់សហគមន៍អ្នកស្រឡាញ់ ភេទដូចគ្នាទាំងមូលផងដែរ»។
រដ្ឋមន្រ្តីក្រសួងយុត្តិធម៌លោកស្រីKarin Keller-Sutter បាននិយាយថា អាពាហ៍ពិពាហ៍ភេទដូចគ្នាលើកដំបូងនឹង ប្រព្រឹត្តទៅនៅខែកក្កដាឆ្នាំក្រោយ។ក្នុងរយៈពេល ២០ឆ្នាំចុងក្រោយនេះ ប្រទេសភាគច្រើននៅអឺរ៉ុបខាងលិច បានទទួលស្គាល់អាពាហ៍ពិពាហ៍ភេទដូចគ្នា៕
មឹង ច័ន្ទសុម៉ានីតា
