លោក Jae-Yong (កណ្ដាល) ឆ្លើយជាមួយអ្នកសារព័ត៌មាន នៅឯការិយាល័យរបស់រដ្ឋអាជ្ញាពិសេស ដែលស៊ើបអង្កេតរឿងអាស្រូវពុករលួយ នៅក្រុងសេអ៊ូល កាលពីថ្ងៃទី ២២ ខែកុម្ភៈ ឆ្នាំ ២០១៧។
.jpg)
ក្រោយការចូលកាន់អំណាច រយៈពេលជាង ៣ ខែ ប្រធានាធិបតីកូរ៉េខាងត្បូង លោក Yoon Suk-yeol បានចេញក្រឹត្យលើកលែងទោសដល់ធុរជនកំពូលៗ នៅប្រទេសដែលរងបទចោទ ពីការសូកប៉ាន់។
លោក Lee Jae-yong អនុប្រធានក្រុមហ៊ុន Samsung Electronics ដែលជាប់ពន្ធនាគារ ១៨ ខែរួចហើយ និងលោក Shin Dong-bin ប្រធាន Lotte Group ដែលត្រូវបានកាត់ទោសឱ្យជាប់ពន្ធនាគាររយៈពេល ២ ឆ្នាំកន្លះ ដោយអ្នកទាំង ២ ជាប់ចោទពីបទ «សូកប៉ាន់» ខណៈដែលក្រសួងយុត្តិធម៌របស់កូរ៉េខាងត្បូង បានឱ្យដឹងថា មេដឹកនាំអាជីវកម្មនេះ គឺជាបុគ្គល ដែលត្រូវការជាចាំបាច់ ដើម្បីជួយជម្នះ «វិបត្តិសេដ្ឋកិច្ចជាតិ»។
យោងតាមទីភ្នាក់ងារព័ត៌មានរ៉យទ័រ ការលើកលែងទោសនេះ គឺជាតំណាងយ៉ាងធំធេង ដោយលោក Lee បានរួចផុតពីការលើកលែងទោសរួចហើយ បន្ទាប់ពីរស់នៅក្នុងមន្ទីរឃុំឃាំង ១៨ ខែ ជុំវិញបទចោទសូកប៉ាន់ អំឡុងពេលដែលលោកដឹកនាំក្រុមហ៊ុនផលិតស្មាតហ្វូន និងមេម៉ូរីឈីបធំជាងគេរបស់ពិភពលោក។
ទោះបីជាយ៉ាងណាក៏ដោយ ការលើកលែងទោសគួរតែមានន័យថា លោក Lee នឹងអាចអនុវត្តសកម្មភាពអាជីវកម្មដោយមានសេរីភាពជាងមុន ហើយអាចបង្ហាញពីការវិនិយោគធំៗមួយចំនួនពីក្រុមហ៊ុន Samsung។
រដ្ឋមន្ត្រីក្រសួងយុត្តិធម៌ លោក Han Dong Hoon បាននិយាយ នៅឯសន្និសីទសារព័ត៌មានថា៖ «ជាមួយនឹងតម្រូវការបន្ទាន់ ដើម្បីជម្នះវិបត្តិសេដ្ឋកិច្ចជាតិ យើងបានជ្រើសរើសដោយប្រុងប្រយ័ត្ននូវមេដឹកនាំសេដ្ឋកិច្ច ដែលជាក្បាលម៉ាស៊ីនកំណើនជាតិ តាមរយៈការវិនិយោគបច្ចេកវិទ្យាយ៉ាងសកម្ម និងការបង្កើតការងារ ដែលត្រូវលើកលែងទោស»។
លោក Lee ដែលជាសមាជិកនៃគ្រួសារស្ថាបនិករបស់ Samsung បានស្វាគមន៍ការសម្រេចចិត្តនេះ ហើយបានប្តេជ្ញាថា នឹងខិតខំប្រឹងប្រែងដើម្បីសេដ្ឋកិច្ចជាតិ។
ក្រុមហ៊ុន Samsung បាននិយាយនៅក្នុងសេចក្តីថ្លែងការណ៍មួយ ដោយដកស្រង់សម្តីរបស់លោក Lee ថា៖ «ខ្ញុំនឹងរួមចំណែកដល់សេដ្ឋកិច្ចជាមួយនឹងការវិនិយោគជាបន្តបន្ទាប់ និងការបង្កើតការងារ ហើយផ្តល់ការយកចិត្តទុកដាក់ដល់ប្រជាជន និងរដ្ឋាភិបាល»។
ការលើកលែងទោសនេះ ក៏ត្រូវបានអនុវត្តផងដែរ ចំពោះប្រធានអាជីវកម្មដែលគាំទ្រលោក Yoon គឺលោក Shin Dong-bin ប្រធានក្រុមហ៊ុន Lotte Group ដែលត្រូវបានកាត់ទោសឱ្យជាប់ពន្ធនាគាររយៈពេល ២ ឆ្នាំកន្លះ ពីបទចោទស៊ីសំណូក។
ក្រុមហ៊ុន Lotte Group បានឱ្យដឹងនៅក្នុងសេចក្តីថ្លែងការណ៍របស់ខ្លួនថា៖ «យើងសូមថ្លែងអំណរគុណយ៉ាងស្មោះស្ម័គ្រចំពោះការសម្រេចចិត្តរបស់រដ្ឋាភិបាល និងប្រជាជនក្នុងការផ្តល់ការលើកលែងទោស ហើយប្រធាន Shin Dong-bin និងបុគ្គលិកនៅក្រុមហ៊ុន Lotte Group នឹងរួមចំណែកក្នុងការយកឈ្នះលើវិបត្តិពិភពលោកដ៏ស្មុគស្មាញឱ្យបាន»។
កូរ៉េខាងត្បូង ដែលពឹងផ្អែកលើបច្ចេកវិទ្យា និងការនាំចេញ កំពុងប្រឈមនឹងអតិផរណាកើនឡើង ហើយជាសញ្ញាបង្ហាញថា ប្រទេសសេដ្ឋកិច្ចធំជាងគេទី ៤ របស់អាស៊ី កំពុងជួបបញ្ហាជាមួយនឹងការធ្លាក់ចុះនៃតម្រូវការ ការមានសតិអារម្មណ៍មិនល្អ និងការចំណាយទាប។
យោងតាម CNN លោក Lee Jae-yong ត្រូវបានបញ្ជូនទៅពន្ធនាគារ ២ ដង ប៉ុន្តែត្រូវបានដោះលែងឱ្យមានសេរីភាព តាំងពីឆ្នាំមុន ប៉ុន្តែការលើកលែងទោស ពិសេសនេះបញ្ចប់ការហាមឃាត់រយៈពេល ៥ ឆ្នាំលើលោក Lee កាន់តំណែងផ្លូវការ នៅក្រុមហ៊ុន Samsung។
យោងតាមការចេញផ្សាយ ភាគហ៊ុនរបស់ក្រុមហ៊ុន បានកើនឡើង ១% នៅទីក្រុងសេអ៊ូល។
លោក Lee បានធ្វើការជាអ្នកដឹកនាំក្រុមហ៊ុន Samsung តាំងពីឆ្នាំ ២០១៤ នៅពេលដែលឪពុករបស់លោក បានសន្លប់ បន្ទាប់ពីកើតមានអាការគាំងបេះដូង៕
