ក្រុងអាប៊ូដាប៊ី៖ ជាការប្រារព្ធវប្បធម៌ និងបេតិកភណ្ឌកសិកម្មរបស់អារ៉ាប់រួម និងគាំទ្រដល់ផលិតផលកសិកម្មក្នុងស្រុកពិធីបុណ្យផ្លែលម៉ើលើកទី១៧ ក្នុងទីក្រុង Al Dhafra ប្រទេសអារ៉ាប់រួម បញ្ចប់ស្របតាមបទដ្ឋានកូវីដ ១៩។
ពិធីបុណ្យលើកទី១៧ ត្រូវបានធ្វើឡើងចាប់ពីថ្ងៃទី ១៥ ដល់ ២៥ ខែកក្កដា នេះបានផ្ដល់ប្រាក់រង្វាន់តម្លៃជាង ២,២៣ លានដុល្លារ ដល់អ្នកឈ្នះការប្រកួត ២២ នាក់។
ជារៀងរាល់ឆ្នាំ កសិកររាប់ពាន់នាក់ចូលរួមប្រកួតប្រជែងដណ្ដើមរង្វាន់ក្នុងការដាំ និងប្រមូលផលលម៉ើក្នុងលក្ខខណ្ឌខុសៗគ្នា ដូចជាប្រភេទទម្ងន់ធ្ងន់ រសជាតិឆ្ងាញ់ និងដើមបែកមែកល្អជាដើម។
ឆ្នាំនេះ ពិធីបុណ្យនេះត្រូវបានរៀបចំឡើងស្របតាមវិធានការសុខាភិបាល ដោយពុំមានវត្តមានទេសចរចូលរួម ក្រៅតែពីអ្នកពាក់ព័ន្ធ និងបណ្ដាកសិករដែលតម្រូវឱ្យពាក់ម៉ាស់ជាចាំបាច់ ។
អ្នកចូលរួមត្រូវបង្ហាញវិញ្ញាបនបត្រចាក់វ៉ាក់សាំង និងរបាយការណ៍តេស្ត PCR អវិជ្ជមាន ទើបមានសិទ្ធិចូល។
ព្រឹត្តិការណ៍នេះផ្តល់នូវឱកាសដើម្បីបង្ហាញពីសារៈសំខាន់នៃដើមលម៉ើក្នុងវប្បធម៌អេមីរ៉ាត និងដើម្បីភ្លក្សរសជាតិផ្លែលម៉ើដ៏សម្បូរបែបជាច្រើនពូជ ច្រើនប្រភេទផងដែរ។
ក្នុងប្រវត្តិសាស្ត្រអារ៉ាប់រួម ដើមលម៉ើជានិមិត្តរូបជាតិនៃបេតិកភណ្ឌ និងជាប្រភពស្បៀងដ៏សំខាន់។
លោក អ៊ីសា សាអីហ្វ អាល់ម៉ារ៉ូអ៊ី អនុប្រធានគណៈកម្មាធិការកម្មវិធីវប្បធម៌ និងគណៈកម្មាធិការបេតិកភណ្ឌ បេតិកភណ្ឌអាប៊ូដាប៊ី និយាយថាការប្រកួតចំនួន ២២ ត្រូវបានរៀបចំឡើងនៅក្នុងពិធីបុណ្យនេះ។
ប្រជាកសិករមកពីទូទាំងអារ៉ាប់រួមបានចូលរួមក្នុង ១១ រូប៊ីអាល់ដាបាស Mazayna។ ការប្រកួតផ្លែឈើចំនួន ៧ សម្រាប់អ្នកធ្វើកសិកម្មសួនច្បារ ការប្រកួតប្រជែងចំនួន ៣ សម្រាប់កសិដ្ឋានគំរូពីអ្នកចូលរួមដែលជាកម្មសិទ្ធិរបស់ភាគខាងកើត និងខាងលិច Liwa និង Al Dhafra និងការប្រកួតប្រជែងសិប្បកម្ម។
លោក អាល់ម៉ារ៉ូអ៊ី បាននិយាយថា ថ្ងៃដំបូងនៃការប្រកួតប្រជែង លោក អាថេម អាល់ ដាបាស ម៉ាហ្សេណា តែឯងបានឈ្នះប្រាក់រង្វាន់ពីការប្រកួតផ្ទួនៗ រួមមានផ្លែលម៉ើទំហំធំជាងគេ សរុបជាទឹកប្រាក់ប្រមាណ ២០ ម៉ឺនដុល្លារអាមេរិក៕ AFP/HR