ជាតិអាមេរិកស្បែកខ្មៅបានដើរតួនាទីយ៉ាងសំខាន់ក្នុងការច្នៃបង្កើតមុខម្ហូបប្រចាំជាតិអាមេរិក។ AFP
.jpg)
ក្រុងញូវយ៉ក៖ ជនជាតិអាមេរិកស្បែកខ្មៅបានដើរតួនាទីយ៉ាងសំខាន់ក្នុងការច្នៃបង្កើតមុខម្ហូបប្រចាំជាតិ តែពួកគេមិនត្រូវបានផ្ដល់ក្រេឌីតចំពោះការរួមចំណែក ដោយស្នាដៃខ្លះត្រូវបានចាត់ជាមុខម្ហូបនិមិត្ដរូបបំផុតសម្រាប់ប្រទេស។
ខណៈការជជែកអំពីភាពអយុត្ដិធម៌ចំពោះជាតិសាសន៍បានធ្វើឱ្យមានការត្រួតពិនិត្យឡើងវិញនូវកំណត់ត្រាវប្បធម៌ ចុងភៅជនជាតិស្បែកខ្មៅបានចេញមុខទាមទារអ្វីដែលពួកគេសមនឹងទទួលនៅក្នុងឧស្សាហកម្មដែលនៅតែមានការរើសអើង។
វិទ្យាស្ថានទាសភាពបានអភិវឌ្ឍអាហារអាមេរិក ហើយថ្ងៃនេះជាឱកាសនៃការបង្ហាញសមិទ្ធផលរបស់ពួកគេ។ ពួកគេបានច្នៃបង្កើតមុខម្ហូបងាយៗ ដូចជា ម៉ាក និងឈីស ដែលទទួលបានប្រជាប្រិយភាពពីសំណាក់ទាសករ។
ប្រវត្ដិវិទូ ខេលលី ឌីតស៍ បាននិយាយថា នៅមានគ្រឿងផ្សំរសជាតិអាហារជាច្រើនទៀត ដូចជា សណ្ដែក អូក្រា និងឪឡឹក ត្រូវបាននាំមកពីតំបន់អាហ្វ្រិក។
ចុងភៅជនជាតិស្បែកខ្មៅបានចេញមុខទាមទារអ្វីដែលពួកគេសមនឹងទទួលពីឧស្សាហកម្មម្ហូបអាហារ។ AFP
សៀវភៅរបស់អ្នកស្រី «Bound to the Fire: How Virginia''s Enslaved Cooks Helped Invent American Cuisine» ក្នុងឆ្នាំ ២០១៧ បានបង្ហាញពីប្រពៃណីម្ហូបអាហារដ៏ពេញនិយមបំផុតរបស់អាមេរិក។
ដោយនិយាយពីលោកឪពុកស្ថាបនិក ថូម៉ាស ជេហ្វហ្វើសុន និង ចច វ៉ាស៊ីនតោន អ្នកស្រី ឌីតស៍ បានប្រាប់ AFP ថា៖ «វាជាសៀវភៅចុងភៅទាសករដែលចម្អិនសម្រាប់មនុស្សសំខាន់ៗបំផុតនៅអាមេរិក»។
អ្នកស្រីបាននិយាយថា ខណៈទាសករក៏ប្រហែលជាបានបង្កើតម្ហូបអឺរ៉ុបផងនោះ មុខម្ហូបអាហ្វ្រិក ក៏បានហក់ចូលសៀវភៅរូបមន្ដម្ហូបនៅសតវត្សរ៍ទី ១៩ ផងដែរ។
ពួកគេបានច្នៃបង្កើតមុខម្ហូបងាយៗ ដូចជា ម៉ាក និងឈីស ដែលទទួលបានប្រជាប្រិយភាពពីសំណាក់ទាសករ។ AFP
គ្រឿងផ្សំ និងវិធីធ្វើនាំចូលពីអាហ្វ្រិក ត្រូវបានណែនាំដើម្បីបង្កើតជាមុខម្ហូបលំបាកៗ និងប្រើក្នុងមន្ទីរពិសោធស្របតាមរសនិយមរបស់ពលរដ្ឋអាមេរិកដូចជា សម្លខ្ទិះអយស្ទើ ហ្គាំបូ ចាមបាឡាយ៉ា និងត្រីចៀន។
ប្រវត្ដិវិទូរូបនេះ បានបន្ដថា ប៉ុន្ដែទាសករ ដែលគ្រងក្រណាត់រុំខ្លួនចុងភៅ រមែងត្រូវបានលប់ចេញពីសៀវភៅម្ហូប ជាបំណងផ្គាប់ចិត្ដប្រធានស្បែកសជាទីដែលពួកគេធ្វើការ។
អ្នកស្រី បន្ដថា៖ «ដល់ពេលត្រូវផ្ដល់ក្រេឌីតឱ្យពួកគេហើយ»។
ជេរ៉ូម គ្រេនត៍ មេចុងភៅឈ្នះពានដែលធ្វើការនៅហាងកាហ្វេអាមេរិក Jackie បាននិយាយថា៖ «ចុងភៅស្បែកខ្មៅជួយត្រួសត្រាយផ្លូវសម្រាប់ការវិវត្ដន៍ម្ហូបអាហារអាមេរិក។ ច្បាស់ណាស់ យើងកសាងទីកន្លែងនេះ។ ដូច្នេះ យើងស័ក្ដិសមទទួលភាពល្បីល្បាញ»៕ AFP/HR
សម្លខ្ទិះអយស្ទើ ហ្គាំបូ ចាមបាឡាយ៉ា និងត្រីចៀន សុទ្ធសឹងតែត្រូវបាននាំយកដោយចុងភៅស្បែកខ្មៅ។ AFP
គ្រឿងផ្សំរសជាតិអាហារជាច្រើនទៀត ដូចជា សណ្ដែក អូក្រា និងឪឡឹក ត្រូវបាននាំមកពីតំបន់អាហ្វ្រិក។ AFP
