តារាស្រីសិចស៊ី សាច់សខ្ចី រាងស្រលូន កញ្ញា វ៉ា់ន់ វល័ក្ខ។ កញ្ញា វ៉ាន់ វល័ក្ខ ធ្លាប់ទទួលលិខិតសរសើរពីខាងក្រសួងកិច្ចការនារីពីទង្វើសប្បុរសធម៌។ រូប ហ្វេសប៊ុក
.jpg)
ភ្នំពេញៈ ក្រៅពីឧស្សាហ៍ឃើញ តារាសម្តែងស្រីសិចស៊ី ចូលចិត្តលែងល្វែងលើ ទាក់ក្រសែភ្នែកបុរសៗមើលភ្លឹក កញ្ញា វ៉ាន់ វល័ក្ខ បង្ហាញរថយន្តទំនើបម៉ាក Lx570 Kuru 2020តម្លៃជាង ២០ ម៉ឺនដុល្លារ និងទិញផ្ទះវីឡាតម្លៃខ្ទង់ ២០ ម៉ឺនដុល្លារដែរនោះ នាពេលថ្មីៗនេះ ក៏ស្រាប់តែត្រូវគេទម្លាយថា កញ្ញាជិតក្លាយជាជំទាវទៀតផង។
ការទម្លាយថា ជិតក្លាយជាជំទាវនេះ ទំនងជាកើតឡើងក្រោយពីតារាសម្តែងស្រីសិចស៊ី ដែលល្បីខាងតួឆ្នាសឆ្នើម មានរាងស្រលូនកញ្ញា វ៉ាន់ វល័ក្ខ បានទទួលលិខិតសរសើរថ្នាក់ជាតិ ចំពោះទង្វើសប្បុរសធម៌របស់នាង ពីសំណាក់ក្រសួងកិច្ចការនារី តាំងពីពាក់កណ្តាលឆ្នាំ ២០២១ នេះមក។ តែកញ្ញា វល័ក្ខ បានបដិសេធ និងបានចាត់ទុកដំណឹងនេះថា ជាពាក្យចចាមអារ៉ាម។ កញ្ញា វ៉ាន់ វល័ក្ខ តារាស្រីស្រស់ សាច់សខ្ចី មានវ័យ ២៧ ឆ្នាំ ដែលហាក់មិនសូវបាត់មុខពីការថតកុន បើទោះបីជាមានវិបត្តិកូវីដក៏ដោយនោះ និយាយដូច្នេះថា៖ «ចំពោះពាក្យចចាមអារ៉ាម ដែលលើកឡើងថា នាងខ្ញុំកំពុងមានងារជំទាវនេះ គឺមិនមែនជាការពិតទេ ហើយក៏គ្មានរឿងអ្វីត្រូវលាក់បាំងដែរ ប្រសិនបើវាគឺជាការពិតមែននោះ»។
កញ្ញាក៏បន្តថា៖ «ខ្ញុំក៏ឆ្ងល់ដែរបង ព័ត៌មានចចាមអារ៉ាមថា ខ្ញុំជាជំទាវ នេះមិនដឹងចេញមកពីណាទេ។ តែប្រហែលជាមកពីបងប្អូន ឬមិត្តភក្ដិខ្ញុំស្និទ្ធស្នាលហៅខ្ញុំលេងថា អ៊ីចឹង (ជំទាវ) ហើយមើលទៅនោះ»។
នាពេលថ្មីៗ ដើមខែកញ្ញា ឆ្នាំ ២០២១ នេះ តារាសម្តែងស្រី ដែលមានដើមទ្រូងធំទ្រលុកទ្រលន់ កញ្ញា វ៉ាន់ វល័ក្ខ បានដើរទៅមើលផ្ទះវីឡា កំពុងតែសាងសង់ ១ កន្លែង តែកញ្ញាក៏មិនបានបញ្ជាក់នៅឡើយថា ផ្ទះវីឡានោះមានតម្លៃប៉ុន្មាន ស្ថិតនៅក្នុងបុរីណា តំបន់ណា និងមានម្ចាស់ចិត្តណាទិញឱ្យនោះឡើយ។
ដោយឡែក តារាស្រីរូបនេះ បានទិញរថយន្តទំនើបម៉ាក Lx570 Kuru 2020 តម្លៃប្រមាណជា ២៣ ម៉ឺនដុល្លារ កាលពីខែកក្កដា ឆ្នាំ ២០២០ ខណៈកាលពីឆ្នាំ ២០១៩ កញ្ញា វ៉ាន់ វល័ក្ខ គេឃើញជិះរថយន្តម៉ាកឡង់គ្រីស័រស៊េរីថ្មីមានតម្លៃខ្ទង់ប្រមាណ ១៧ ម៉ឺនដុល្លារនោះសោះ។
គួររំឭកដែរថា រយៈពេលប្រមាណជាងកន្លះឆ្នាំ កាលដែលកញ្ញា វ៉ាន់ វល័ក្ខ បាត់មុខពីសិល្បៈបន្ទាប់ពីថតបញ្ចប់កុនភាគហង្សមាសរឿង «កូនពស់កេងកង» និងរឿង «កន្ទោងខៀវ» ឬថត MV ផ្សេងៗនោះ។ ខណៈកញ្ញាបានបង្ហើបដែរថា ជាលក្ខណៈបាងហ្គាឡូ មានទីតាំងនៅ ជាយរាជធានីភ្នំពេញ បានសាងសង់ជិត ៥០ ភាគរយហើយដែរ ក៏ប៉ុន្តែនៅមិនទាន់អាចកំណត់ពេលណានឹងបើកសម្ពោធនោះទេ៕
