ទិដ្ឋភាពនៃផ្ទះទ្រុឌទ្រោមនៅលើបឹងម៉ារ៉ាខាយបូ នៅក្នុងភូមិអូឡូហ្គាក្នុងរដ្ឋហ្ស៊ូលា ថ្ងៃទី ៥ ខែ កញ្ញា ឆ្នាំ ២០២១។ AFP
.jpg)
ក្រុងការ៉ាកាស៖ ពន្លឺភ្លើងឆ្វាចពុះជ្រែកផ្ទៃមេឃងងឹតមួយខ្សែហើយ មួយខ្សែទៀត ចាំងពន្លឺលើ លំនៅដ្ឋានផ្ទះសម្បែងនៅទន្លេកាតាទុំបូ ដែលហូរចូលទៅក្នុងបឹងម៉ារ៉ាខាយបូ ប្រទេសវេណេស៊ុយអេឡា ដ៏ល្បីល្បាញជាដែនដីបាតុភូតរន្ទះ និងផ្លេកបន្ទោសនៃពិភពលោក។
យោងតាមអង្គការណាសាបានឱ្យដឹងថា តំបន់ជាប់កំណត់ត្រាពិភពលោកហ្គីនណេសជាកន្លែងដែលមានរន្ទះបាញ់ផ្លេកបន្ទោច្រើនបំផុតកនុងលោកគឺបឹងធំបំផុតនៅអាមេរិកខាងត្បូង ដោយទទួលបានពន្លឺជាមធ្យម ២៣៣ ដងក្នុង ១ គីឡូម៉ែត្រការ៉េ ជារៀងរាល់ឆ្នាំ ដោយស្មើនឹងពន្លឺរន្ទះផ្លេកបន្ទោរាប់ពាន់ឆ្វាចក្នុង១យប់។
ការចង់ដឹងអំពីវិទ្យាសាស្ត្រ និងទេសចរណ៍សម្រាប់សហគមន៍លើទឹកនៅរដ្ឋហ្ស៊ូលា នៅភាគពាយព្យនៃប្រទេសវេណេស៊ុយអេឡា បាននាំឱ្យមានការរកឃើញអត្ថប្រយោជន៍នៃ ដែនដីបង្គោលភ្លើងហ្វារ បង្គោលភ្លើងហ្វារកាតាទុំបូ បានជួយបំភ្លឺអ្នកដំណើរតាមទូកឆ្លងកាត់ភាពងងឹតអស់រយៈពេលជាច្រើនសតវត្សរ៍។
ផ្ទះចាស់ៗនៅលើទឹកពុំមានអគ្គិសនីប្រើប្រាស់ ដែលធ្វើឱ្យរាត្រីប្រែចាងងឹតស្លុប។ AFP
មិនមានផ្គរលាន់ទេគ្រាន់តែរន្ទះ និងផ្លេកបន្ទោ
ទស្សនីយភាពពន្លឺភ្លើងលើមេឃដ៏ស្ងាត់ស្ងៀម មានចំនួន ៣០០ យប់ ក្នុង ១ ឆ្នាំ ដោយខែកញ្ញាជាវេលាសម្បូររន្ទះ និងផ្លេកបន្ទោជាងគេបំផុតនៅតំបន់នោះ។
នៅយប់ដែលមានពន្លឺចែងចាំងបានគូរលំនាំដ៏គួរឱ្យទាក់ទាញនៅទូទាំងមីលគីវ៉េនៅលើមេឃដែលពោរពេញដោយផ្កាយផ្កាយមិនត្រូវការកែវយឹតសម្រាប់សម្លឹងមើលក្រុមតារានិករឡើយ។
នៅរាត្រីមេឃស្រឡះ សរសៃបែកខ្ញែកនៃភ្លើងរន្ទះផុសឡើងលើមេឃ អមដោយផ្លែកបន្ទោបំភ្លឺហ្គាឡាក់ស៊ីមីលគីវ៉េ បណ្ដុំហ្វូងតារានៅលើមេឃ ដែលអាចមើលឃើញផ្ទាល់ភ្នែកមិនចាំបាច់ជំនួយពីកែវឆ្លុះ។
ពន្លឺរន្ទះ និងផ្លែកបន្ទោជួយបំភ្លឺផ្លូវអ្នកនេសាទ អស់ជាច្រើនសតវត្សរ៍មកហើយ។ AFP
ពន្លឺរន្ទះផ្លេកបន្ទោ ខ្លះលឿនមើលសឹងពុំទាន់ រីឯខ្លះទៀតលោតភ្លឹបភ្លែត ទៅប៉ះនឹងខ្សែពន្លឺមួយទៀត។
សម្រាប់អ្នកដែលស្នេហាតារាសាស្ត្រ ពួកគេអាចមកទស្សនាបាតុភូតធម្មជាតិ និងចក្កវាឡនាពេលរាត្រី នៅតំបន់ដែលពុំមានការបំពុលដោយពន្លឺភ្លើង។
ជាការពិតនេះ នៅទីនេះមិនមានបណ្តាញអគ្គិសនីនៅទីនេះទេ ហើយម៉ាស៊ីនភ្លើងពីរបី ដែលនៅតែដំណើរការ ដោយគ្រាន់តែខ្វះប្រេងចាក់ប៉ុណ្ណោះ ព្រោះសេដ្ឋកិច្ចវេណេស៊ុយអេឡាជួបវិបត្តិធ្ងន់ធ្ងរ។
តំបន់សម្បូរផ្លេកបន្ទោរន្ទះនៅបឹងម៉ារ៉ាខាយបូ ក៏មានទស្សនីយភាពមីលគីវ៉េ ដែលអាចមើលឃើញដោយភ្នែកទទេផងដែរ។
អ្នកទេសចរបរទេសដែលធ្លាប់មករដ្ឋហ្ស៊ូលា មិនហ៊ានមកកម្សាន្តទៀត ដោយសារជំងឺរាតត្បាតសកល និងបញ្ហាសេដ្ឋកិច្ចវ៉េណេស៊ុយអេឡា។
ចំពោះអ្នកនេសាទ ម៉ារៀណេឡា រ៉ូមេរ៉ា ជាស្ត្រីអ្នកនេសាទអាយុ ៤០ ឆ្នាំ បាននិយាយថា ផ្លេកបន្ទោជួយបង្ហាញអ្នកស្រីពីកន្លែងដែលត្រូវទៅ។
អង្គការណាសានិយាយថា បឹងម៉ារ៉ាខាយបូ មានភូមិសាស្ត្រ និងអាកាសធាតុពិសេសអំណោយផលដល់ព្យុះ រន្ទះ។
មានទីតាំងស្ថិតនៅតាមបណ្តោយផ្នែកខ្លះនៃភ្នំអាដេស ព្យុះបង្កើតនាពេលយប់នៅពេល ដែលខ្យល់ត្រជាក់នៅលើភ្នំប៉ះជាមួយខ្យល់ក្តៅ និងសំណើមនៅលើបឹង៕ AFP៊/HR
រន្ទះបាញ់នៅលើបឹងម៉ារ៉ាខាយបូ ក្បែរផ្ទះទ្រុឌទ្រោមនៅប្រទេសវ៉េណេស៊ុយអេឡា នៅថ្ងៃទី ១១ ខែកញ្ញាឆ្នាំ ២០២១។ AFP
