ក្រុងនីញ៉ាម៉េ៖ អង្គុយនៅលើម៉ូតូដោយដាក់ដៃម្ខាងលើស្មាមិត្ដភក្ដិស្ថិតនៅមិនឆ្ងាយប៉ុន្មានពីឆាកលើខ្សាច់ លោក អូម៉ា អាឡាសសាន និយាយទាំងទឹកមុខញញឹមថា៖ «សំឡេងហ្គីតានេះពិតជាពីរោះខ្លាំងណាស់»។
នៅម៉ោង៨យប់វាជាវេលាចាប់ផ្ដើមកម្មវិធីតន្ដ្រីនៅក្រុងអ៊ីនហ្គាលស្ថិនៅភាគខាងជើងប្រទេសនីហ្សេដែលរៀបចំកម្មវិធីបុណ្យ Cure Salee រយៈពេល៣ថ្ងៃ។
លោក អាឡាសសាន គឺជាយុវជនងហ្វូណានីម្នាក់ក្នុងចំណោមយុវជនរាប់ពាន់នាក់ដែលមកចូលរួមកម្មវិធីរៀងរាល់ខែកញ្ញាដើម្បីប្រារឰការអបអរបញ្ចប់រដូវភ្លៀង។
ចំពោះរូបលោកនិងមិត្ដភក្ដិក្នុងភូមិឱកាសរីករាយជាមួយតន្ដ្រីសម្ដែងផ្ទាល់ពិតជាកម្រទោះបិជាទីក្រុងវាលខ្សាច់មួយនេះស្ថិតនៅឆ្ងាយពីការវាយប្រហារដ៏ប្រល័យដោយឧទ្ទាមជីហាដដែលញាំញីតំបន់ភាគខាងលិចនិងខាងកើតយ៉ាងណាក៏ដោយ។
រៀបចំនៅតំបន់ក្រៅក្រុង ការប្រារឰកម្មវិធីនៅតំបន់សាហារ៉ាបានទាក់ទាញសមាជិកក្រុមកុលសម្ព័ន្ធ Wodaabe ជាកុលសម្ព័ន្ធនៃក្រុម Fulani និងក្រុម Tuaregs ដែលពួកគេបានទៅឃ្វាលសត្វចិញ្ចឹមរហូតដល់រាប់រយគីឡូម៉ែត្រមកចូលរួមព្រឹត្ដិការណ៍ Cure Salee ជាឈ្មោះលំនាំតាមប្រភពទឹកក្រោមដីដែលសម្បូររ៉ែអំបិល។
ក្រុមតន្ដ្រីករហ្គីតាអេឡិចត្រូនិក បានចូលខ្លួនមកសម្ដែងហើយនៅពេលរសៀល ពន្លឺភ្លើងពណ៌ចាប់ផ្ដើមបំភ្លឺពេលរាត្រី។
អាឡាសសានវ័យ១៨ឆ្នាំបាននិយាយថា៖ «មែនហើយវាពិតជាល្អ។ពេញមួយឆ្នាំយើងនៅតែក្នុងព្រៃ។ដូច្នេះនៅក្នុងពិធីបុណ្យ La Cure Salee ក្រុមអ្នកគង្វាលសត្វមកជួបជុំគ្នាជប់លៀងម្ដង»។
មិត្ដភក្ដិម្នាក់ទៀតបាននិយាយថា៖ «បន្ទាបមក យើងក៏នឹងសម្លឹងរកភរិយាអនាគតរបស់យើងផងដែរ»៕ AFP/HR