ភ្នំពេញៈ លោកនាយករដ្ឋមន្រ្តី ហ៊ុន សែន បានផ្តល់ថវិកាបន្ថែមជិត ៣ ០០០ លានរៀល ទៅដល់ខេត្តចំនួន ២១ ក្នុងចំណោម ២៤ ខេត្ត សម្រាប់ធ្វើការរៀបចំ និងផ្គត់ផ្គង់ដល់អ្នកកំពុងធ្វើចត្តាឡីស័ករយៈពេល១សប្តាហ៍ ចាប់ពីថ្ងៃទី ២១ ដល់ ថ្ងៃទី ២៧ ខែមិថុនា ដែលមកដល់ពេលនេះមានអ្នកកំពុងធ្វើចត្តាឡីស័កក្នុងខេត្តទាំង ២៤ ទូទាំងប្រទេសចំនួន ៩៥ ១៦៣ នាក់។
យោងតាមរបាយការណ៍របស់ក្រសួងសុខាភិបាល នាថ្ងៃនេះបានឱ្យដឹងថា ថវិកាសរុបដែលលោកនាយករដ្ឋមន្រ្តី ហ៊ុន សែន ផ្តល់ជូនបន្ថែមទៅដល់ខេត្តចំនួន ២១ ក្នុងចំណោមខេត្ត ២៤ មានសរុចចំនួន ២ ៧២០ លានរៀល។
របាយការណ៍នេះបញ្ជាក់ថា៖ «ថវិកាទាំងនេះសម្រាប់ជួយក្នុងការរៀបចំ និងផ្គត់ផ្គង់ទៅដល់អ្នកដែលកំពុងសម្រាកធ្វើចត្តាឡីស័កនៅក្នុងខេត្តទាំងនេះ ហើយថវិកានេះលើកលែងតែខេត្តចំនួន ៣ ទេ ដែលមិនមានការផ្តល់ថវិកាបន្ថែម គឺខេត្តកោះកុង មណ្ឌលគិរី និងខេត្តស្ទឹងត្រែង ដោយសារថវិកានៅសល់ច្រើន និងចំនួនអ្នកធ្វើចត្តាឡីស័កមានចំនួនតិច»៕