ភ្នំពេញៈ ក្រសួងសុខាភិបាល បានបន្តរកឃើញអ្នកឆ្លងវីរុសកូវីដ ១៩ បន្ថែមទៀត ចំនួន ៦៧៨ នាក់នៅថ្ងៃនេះ និងមានអ្នកជាសះស្បើយចំនួន ៧៦៣ នាក់ ខណៈអ្នកស្លាប់បន្ថែមទៀតដោយសារជំងឺកូវីដ ១៩ មានរហូតដល់ ១៨ នាក់។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃនេះ បានឱ្យដឹងថា ករណីរកឃើញអ្នកឆ្លងកូវីដបន្ថែមនេះ មានក្នុងសហគមន៍ចំនួន ៦២០ នាក់ និងអ្នកដំណើរមកពីបរទេសចំនួន ៥៨ នាក់។
សម្រាប់ប្រទេសកម្ពុជា គិតត្រឹមព្រឹកថ្ងៃទី ២២ ខែមិថុនា ឆ្នាំ ២០២១ នេះ អ្នកមានវីជ្ជមានវីរុសកូវីដ ១៩ សរុបមានចំនួន ៤៤ ១២៤ នាក់ អ្នកជាសះស្បើយសរុបចំនួន ៣៨ ៧៦៦ នាក់ និងមានអ្នកស្លាប់បានកើនឡើងរហូតដល់ ៤៥៩ នាក់ផងដែរ៕