ភ្នំពេញៈ រដ្ឋាភិបាលកម្ពុជា នឹងប្រារព្ធពិធីអបអរសាទរ ខួបលើកទី ៣០ នៃការចុះហត្ថលេខា លើកិច្ចព្រមព្រៀងសន្តិភាពទីក្រុងប៉ារីស នៅថ្ងៃទី២៣ ខែតុលា នៅវិមានសន្តិភាព។
សេចក្តីប្រកាសព័ត៌មានក្រសួងការបរទេសបញ្ជាក់នៅថ្ងៃទី២២ ខែតុលា ថា លោក ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ នឹងថ្លែង សុន្ទរកថា ក្នុងពិធីនេះ តំណាងឱ្យលោកនាយករដ្ឋមន្ត្រី ហ៊ុន សែន។
តំណាងមកពីស្ថាប័នព្រឹទ្ធសភា រដ្ឋសភា រាជរដ្ឋាភិបាល អង្គទូត និងការិយាល័យអង្គការ សហប្រជាជាតិ នៅរាជធានីភ្នំពេញ នឹងចូលរួមក្នុងពិធីនេះ។
សេចក្តីប្រកាសព័ត៌មានបញ្ជាក់ថា៖ «នៅក្នុងពិធី ឯកឧត្តម Jean-Yves Le Drian រដ្ឋមន្រ្តីកិច្ចការអឺរ៉ុប និងការបរទេសបារាំង និងលោកជំទាវ Retno L.P. Marsudi រដ្ឋមន្រ្តីការបរទេសឥណ្ឌូនេស៊ី នឹងផ្ញើសារអបអរសាទរ មកចូលរួម ខណៈឯកឧត្តម Mikami Masahiroឯកអគ្គរាជទូតជប៉ុនប្រចាំកម្ពុជា នឹងអញ្ជើញថ្លែងសុន្ទរកថា តំណាងឱ្យអង្គទូតទាំងអស់»៕