កម្មវិធី “ជជែកដេញដោលយុវជនថ្នាក់ជាតិ ២០២២” ។ រូបភាព MoEYS Cambodia
ភ្នំពេញៈ ក្រសួងអប់រំ យុវជន និងកីឡាបានអំពាវនាវសុំឱ្យសាធារណជនចូលរួមបោះឆ្នោតគាំទ្រ និងទស្សនាការផ្សាយផ្ទាល់ កម្មវិធី “ជជែកដេញដោលយុវជនថ្នាក់ជាតិ ២០២២” តាមរយៈទំព័រហ្វេសប៊ុកផ្លូវការរបស់ក្រសួងអប់រំ (MoEYS Cambodia) នាថ្ងៃទី ២២ ខែឧសភានេះចាប់ពីម៉ោង ៧:៤៥ នាទីព្រឹក។
ក្រសួងអប់រំបានស្វាគមន៍មកកាន់ វគ្គជម្រុះជុំទី ៣ នៃកម្មវិធីជជែកដេញដោលយុវជនថ្នាក់ជាតិ ២០២២ ដោយចោទជាសំណួរថា តើវិទ្យាល័យណាខ្លះដែលអាចបន្តឈានទៅវគ្គពាក់កណ្ដាលផ្ដាច់ព្រ័ត្រក្នុងកម្មវិធី “ជជែកដេញដោលយុវជនថ្នាក់ជាតិ ២០២២”?
ក្រសួងបានសរសេរថា៖ «កុំភ្លេចចូលរួមបោះឆ្នោតគាំទ្រ និងទស្សនា ដើម្បីទទួលបានចំណេះដឹងថ្មីៗទាក់ទងនឹងប្រធានបទល្អៗដែលសង្គមកំពុងជួបប្រទះ។ ប្រធានបទចំនួន ៤ ដែលនឹងត្រូវលើកយកប្រកួតបកស្រាយដោយក្រុមយុវជនឆ្នើមតំណាងវិទ្យាល័យទាំង ៨ មកពី ២៥ រាជធានី ខេត្ត ដែលបានសម្រិតសម្រាំងយ៉ាងយកចិត្តទុកដាក់ និងពោរពេញទៅដោយសមត្ថភាព និងភាពក្លាហាន»៕
.jpg)
