ភ្នំពេញៈ ក្រសួងសុខាភិបាលបានប្រកាសថា មិនមានការរកឃើញអ្នកឆ្លងវីរុសកូវីដ ១៩ មិនមានអ្នកជាសះស្បើយបន្ថែមនិងក៏មិនមានអ្នកស្លាប់ដោយសារមេរោគកូវីដ ១៩នេះដែរ។
យោងតាមសេចក្តីប្រកាសរបស់ក្រសួងសុខាភិបាល នៅថ្ងៃទី ២៣ ខែឧសភានេះបានបញ្ជាក់ថា ក្រសួងមិនមានការរកឃើញអ្នកឆ្លងកូវីដ ១៩ ថ្មីឡើយ នៅទូទាំងប្រទេសកម្ពុជា។ មកដល់ពេលនេះ កម្ពុជាមិនមានអ្នកឆ្លងវីរុសកូវីដ ១៩ រយៈពេល ១៦ ថ្ងៃហើយ។
គិតត្រឹមព្រឹក ថ្ងៃទី ២៣ ខែ ឧសភា ឆ្នាំ ២០២២ កម្ពុជាមានអ្នកឆ្លងវីរុសកូវីដ១៩សរុបទូទាំងប្រទេសចំនួន ១៣៦ ២៦២ នាក់ អ្នកជាសះស្បើយ សរុបចំនួន ១៣៣ ២០១ នាក់ និងអ្នកស្លាប់មានចំនួន ៣ ០៥៦ នាក់៕