ការធ្វើតេស្ដរកវីរុសកូវីដ១៩ នៅភ្នំពេញកាលពីខែមេសា ឆ្នាំ២០២២ ។ ហេង ជីវ័ន
ភ្នំពេញៈ ក្រសួងសុខាភិបាលបានប្រកាសថា មិនមានការរកឃើញអ្នកឆ្លងវីរុសកូវីដ ១៩ ហើយក៏មិនមានអ្នកស្លាប់ដោយសារមេរោគកូវីដ ១៩ ផងដែរ ខណៈអ្នកសម្រាកនៅមន្ទីរពេទ្យលែងមានទៀត។
យោងតាមសេចក្តីប្រកាសរបស់ក្រសួងសុខាភិបាលបានឱ្យដឹងថា ក្រសួងមិនមានការរកឃើញអ្នកឆ្លងកូវីដ ១៩ ថ្មីឡើយក្នុងទូទាំងប្រទេសកម្ពុជា ដែលមកដល់ពេលនេះកម្ពុជាមិនមានអ្នកឆ្លងវីរុសរយៈពេល ៤៧ ថ្ងៃហើយ។
គិតត្រឹមព្រឹកថ្ងៃទី ២៣ ខែ មិថុនា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៦២ នាក់ អ្នកជាសះស្បើយសរុបចំនួន ១៣៣ ២០៦ នាក់ និងអ្នកស្លាប់មានចំនួន ៣ ០៥៦ នាក់៕
.jpg)
