ភ្នំពេញៈ ក្រុម​គ្រូ​ពេទ្យ​ជំ​នាញ​​ផ្នែក​ជំ​ងឺសួ​ត ​នៃ​ម​ន្ទី​រ​ពេទ្យ​​​ខ្មែរ-សូវៀត ​បា​នអំ​ពា​វ​នាវ​ ដល់​សប្បុរជន ​ដែ​ល​មាន​គ្រុប​ឈាមអូ​ដក​​​ ​(O-) មេត្តា​ជួ​យប​រិ​ច្ចាគ​ឈា​ម ​ដើម្បី​ជួយដល់​​ស្ត្រី​​ម្នាក់ ដែល​នឹងត្រូ​វវះ​កាត់​ជំងឺ​ដុំពក​នៅក្នុង​សួត ដ៏គ្រោះថ្នា​ក់មួ​យ​​នៅថ្ងៃ​សុក្រ​ ទី ១៧ ខែមីនា ឆ្នាំ​២០២៣នេះ។


លោក​ វេជ្ជប​ណ្ឌិត​ ច័​ន្ទ ​គឹ​ម​ហ័ន ​អនុ​ប្រ​ធា​នផ្នែក​បច្ចេ​​កទេ​សព្យា​បា​ល​ជំងឺ​សួ​ត ​នៃម​ន្ទី​រពេ​ទ្យ​ខ្មែរ-​សូវៀត បាន​ប្រាប់​ភ្នំពេញ​ប៉ុស្តិ៍នៅ​ល្ងាច​ថ្ងៃទី​​១​៦​ មី​នា​ថា ​ក្នុងរយៈ​ពេល​​​ប៉ុន្មា​នថ្ងៃ​នេះ ​ក្រុ​មគ្រូ​​ពេទ្យ​ជំនាញ​នៃប្រ​ទេ​ស​​បារាំ​ង បាន​មក​សហ​កា​រជា​មួយក្រុ​មគ្រូ​ពេ​ទ្យជំ​នាញ​​នៃមន្ទី​រពេ​ទ្យ​មិត្ត​ភា​ព ​ខ្មែ​រ-សូវៀត ដើម្បី​​ពិនិត្យ ព្យាបាល និង​វះកាត់​ជំងឺ​សួត​ ​ជូ​នដល់​ពលរ​ដ្ឋ​ខ្មែរ ដោយ​ឥ​តគិ​តថ្លៃ​។​

ក្នុ​ងកិ​ច្ច​ប្រតិ​ប​ត្តិ​ការ​នេះ ក្រុ​ម​គ្រូពេ​ទ្យ​ជំនា​ញ​​នៃប្រទេ​សទាំ​ង​២​ បាន​រ​កឃើ​ញ​អ្នក​ជំងឺ​​​ជាស្ត្រី​​​វ័យចំ​ណាស់​​​ម្នាក់​ ​មា​នជំ​ងឺ​ដុំពក​ដ៏​​ធំ​មួយ​ ​ធ្លាក់​ចូ​ល​​ទៅក្នុង​សន្ទះ​សួត​ធ្វើ​ឱ្យអ្ន​ក​ជំ​ងឺមា​ន​កា​រ​ឈឺចា​ប់​​ខ្លាំង និងជារឿ​យ​ៗ​ មា​ន​ការ​ក្អ​កធ្លា​ក់​ឈា​ម ​​ដែលតម្រូ​វ​ឱ្យ​មា​នកា​រវះ​កា​ត់​​ដុំ​ពក​នោះ​​​ចេញ​ជា​បន្ទាន់។​

ទ​ន្ទឹ​មនឹ​ង​នេះ​ ក្រុម​គ្រូ​​ពេ​ទ្យ​ជំ​នាញ បាន​ពិនិ​ត្យឃើ​ញ​ថា​ ស្ត្រីជាអ្ន​ក​ជំងឺ​​ មា​ន​គ្រុប​ឈា​ម​(O-) ដែល​ជាប្រ​ភេទ​គ្រុប​ឈាម​ដ៏ក​ម្រ​ ​និ​ងមិ​ន​មាន​នៅ​ក្នុងស្តុ​ក សម្រាប់​ជំនួយ​ដល់​​កា​រ​វះកា​ត់​​នេះទេ។


​លោ​ក​ គឹមហ័ន បាន​ប​ញ្ជាក់​ថា​៖​«ការវះ​កា​ត់​យក​ដុំព​ក​ពីក្នុ​ងសួ​ត​រ​បស់​ស្ត្រីជាអ្ន​កជំងឺ​ខាងលើ​​នេះ យើង​ចាំ​បាច់​​ត្រូ​វកា​រ​​ឈាម​ចន្លោះពី ៦-១០​ប្លោ​ក ​អា​ស្រ័យ​ហេតុ​នេះសូ​មប​ងប្អូ​ន​ប្រជា​ពល​រ​ដ្ឋ ​ដែល​មា​ន​​គ្រុប​​ឈា​មប្រ​ភេ​ទ O- មេត្តា​ចូល​រួ​មប​រិច្ចាគ​ឈា​ម​ នៅ​ព្រឹកថ្ងៃសុក្រនេះ​ ​ដើ​ម្បី​គាំទ្រដល់ដំ​ណើ​រការវះ​កាត់​របស់​យើង ជូ​នដ​ល់​​ស្ត្រីជា​អ្នក​​ជំងឺ​​ទទួល​បា​ន​​ជោ​គ​​ជ័​យ​»។​


​បើ​តាម​លោ​ក វេ​ជ្ជ​បណ្ឌិ​​ត ​ច័ន្ទ គឹមហ័ន ចាប់​ពីព្រឹកថ្ងៃ​ទី​​១៣ ដល់​ល្ងាចថ្ងៃទី១៦ ​មីនា ឆ្នាំ​២០២៣ ​ ក្រុ​ម​គ្រូ​ពេទ្យ​ជំនា​ញនៃ​ប្រ​ទេ​សទាំ​ង​២ កម្ពុជា-បារាំង​ បា​នធ្វើ​កា​រ​វះកាត់​សួត និ​ង​ដុំព​កក្នុង​សួ​ត ​ជូ​ន​អ្នក​ជំងឺ​​​បាន​ចំ​នួន​៦​នាក់​ ដោ​​យជោ​គ​ជ័យ ក្នុ​ង​នោះ​មា​ន​ស្រី៥នាក់​។

អ្នកជំងឺ ដែលត្រូវ​បាន​ធ្វើ​ការវះ​កាត់សួ​ត និង​ដុំពក​​នៅ​ក្នុង​សួ​តទាំ​ង៦នាក់​នោះ ភា​គ​ច្រើ​ន​ជាអ្ន​ក​ដែ​លធ្លាប់​មានបញ្ហាជំ​ងឺ​របេងរ៉ាំរ៉ៃ​ ​និ​ងជំងឺ​មហា​រីក​សួត៕