ក្រុមហ៊ុន អ៊ីប៊ីអិម មានការប្តេជ្ញាចិត្តខ្ពស់ក្នុងការផ្តល់ជូនសេវាកម្មគាំទ្រដល់អាជីវកម្មរបស់អតិថិជនទាំងក្នុងស្រុក និងអន្តរជាតិ ដើម្បីធានាថាពួកគាត់អាចពេលវេលាគ្រប់គ្រាន់ផ្តោតទៅលើការអភិវឌ្ឍសហគ្រាសរបស់គាត់បានពេញលេញ។
កញ្ញា សុខ ចេង ហៅ Sandy គឺជាស្ថាបនិកក្រុមហ៊ុន អ៊ីប៊ីអិម ដែលជាក្រុមហ៊ុនផ្តល់នូវសេវាកម្មជាច្រើនប្រភេទ (One-stop-service) សម្រាប់វិនិយោគិន និងជាក្រុមហ៊ុនប្រឹក្សាយោបល់ឈានមុខគេមួយនៅកម្ពុជា គិតចាប់តាំងពីឆ្នាំ ២០០៨ មកបានឱ្យដឹងថា សេវាកម្មរបស់ក្រុមហ៊ុន គឺកាន់តែមានតម្រូវការខ្ពស់ ខណៈប្រទេសកម្ពុជាកំពុងពង្រឹងបទប្បញ្ញត្តិផ្សេងៗ។
«តម្រូវការកំពុងកើនឡើងពីមួយឆ្នាំទៅមួយឆ្នាំ ចាប់តាំងពីប្រទេសរបស់យើងបានពង្រឹងបទប្បញ្ញត្តិពន្ធដារ អាជីវកម្ម និងច្បាប់នៃការវិនិយោគនៅក្នុងឆ្នាំ ២០១៦»។
កញ្ញា ថ្លែងថា៖ «ក្នុងនាមជាក្រុមហ៊ុនប្រឹក្សាយោបល់ យើងតែងតែផ្តល់ការពិគ្រោះយោបល់ដោយឥតគិតថ្លៃ ដល់អ្នកដែលស្វែងរកការយល់ដឹងអំពីបទប្បញ្ញត្តិរបស់កម្ពុជា»។
កញ្ញា សុខ ចេង បានចាប់ផ្តើមក្រុមហ៊ុន EBM នៅឆ្នាំ ២០០៨ ក្នុងនាមជាទីភ្នាក់ងារជ្រើសរើសបុគ្គលិកក្នុងគោលបំណងជួយឱ្យយុវជនទទួលបានការងារក្នុងក្តីសុបិនរបស់ពួកគេ។
«យើងរីករាយជាមួយសេវាកម្មជ្រើសរើសបុគ្គលិករបស់យើងដែលយើងមើលឃើញថាវាជាផ្នែកមួយនៃការរួមចំណែករបស់យើងចំពោះសង្គម ហើយជាមួយនឹងកំណើន សេដ្ឋកិច្ចកម្ពុជាពីមួយឆ្នាំទៅមួយឆ្នាំ អតិថិជនរបស់យើងត្រូវការសេវាកម្មបន្ថែមពីអ៊ីប៊ីអិម ដើម្បីគាំទ្រដល់អាជីវកម្មរបស់ពួកគេ»។
កញ្ញាបានថ្លែងថា៖ «ដូច្នេះនៅឆ្នាំ ២០១៧ យើងបានផ្លាស់ប្តូរ EBM ពីក្រុមហ៊ុនជ្រើសរើសបុគ្គលិក ទៅជាក្រុមហ៊ុនផ្តល់សេវាកម្មគ្រប់ប្រភេទ (one-stop service) សម្រាប់ វិនិយោគិន ដែលជួយគាំទ្រកិច្ចការការិយាល័យ»។
សេវាកម្មរបស់ក្រុមហ៊ុនមានរាប់ចាប់ពីការចុះបញ្ជីឈ្មោះក្រុមហ៊ុន ការធ្វើបញ្ជីគណនេយ្យ សេវាកម្មបង់ពន្ធ សេវាកម្មធ្វើបញ្ជីបៀវត្សរ៍ រហូតដល់ការធ្វើសៀវភៅការងារជូនជនបរទេស និងអាជ្ញាប័ណ្ណនានា។
«យើងពិតជារីករាយណាស់នៅក្នុងការផ្តល់ជូននូវសេវាកម្មទាំងអស់នេះ។ យើងអាចជួយនិយោជិតឱ្យទទួលបានការងារល្អប្រសើរ បរិយាកាសការងារល្អ និងប្រាក់ខែល្អប្រសើរ ខណៈក្រុមហ៊ុន អ៊ីប៊ីអិម ក៏ជួយឱ្យនិយោជកសម្រេចកិច្ចការបានត្រឹមត្រូវ និងទាន់ពេលវេលា ជាមួយនឹងការចំណាយដែលមានប្រសិទ្ធភាព»។
«យើងផ្តល់ជូនសេវាកម្មរដ្ឋបាល និង កិច្ចបញ្ជិកាគណនេយ្យទាំងអស់ដែលអនុញ្ញាតឱ្យនិយោជកផ្តោតលើការរីកចម្រើនអាជីវកម្មរបស់ពួកគេ។ អ៊ីប៊ីអិម ក៏ជាភ្នាក់ងារពន្ធដារដែលមានអាជ្ញាប័ណ្ណ ដូច្នេះយើងក៏ដើរតួយ៉ាងសំខាន់ដោយប្រមូលការបង់ពន្ធជូនរដ្ឋាភិបាលឱ្យបានទាន់ពេលវេលា និងត្រឹមត្រូវ»។
កញ្ញា ចេង បានបន្ថែមថា៖ «សេវាកម្មដែលមានតម្រូវការខ្ពស់បំផុត ដែលអតិថិជនកំពុងត្រូវការគឺការប្រកាសពន្ធ បន្ទាប់មកគឺកិច្ចបញ្ជិកា គណនេយ្យ ដែលសេវាកម្មទាំងពីរនេះមានការទាក់ទងគ្នាបំផុត។ យើងត្រូវធ្វើតាមច្បាប់ និងបញ្ជូនឯកសារឱ្យទាន់ពេលវេលា ដើម្បីចៀសវាងការផាកពិន័យពីរដ្ឋាភិបាល»។
ដោយមានជំនាញនៅក្នុងការពិគ្រោះយោបល់ និងការជឿជាក់ព័ត៌មានវិនិយោគនៅក្នុងទីផ្សារថាមិនទាន់គ្រប់គ្រាន់ ដោយពិបាកសង្ខេបអំពីនីតិវិធីទាំងអស់តាមលំដាប់លំដោយ កញ្ញា ចេង ក៏បានសរសេរសៀវភៅមួយ សម្រាប់អ្នកដែលមានបំណងចង់វិនិយោគនៅកម្ពុជាផងដែរ។
កញ្ញាបញ្ជាក់ថា៖ «ខ្ញុំចង់ឱ្យវិនិយោគិនអាន «សៀវភៅណែនាំសម្រាប់វិនិយោគិននៅកម្ពុជា» នៅលើគេហទំព័រអ៊ីប៊ីអិម - www.ebmcambodia.com ដើម្បីស្វែងយល់បន្ថែមអំពីការវិនិយោគនៅក្នុងព្រះរាជាណាចក្រកម្ពុជា»។
ដោយបានបញ្ចប់ការសិក្សាថ្នាក់អនុបណ្ឌិតផ្នែកគ្រប់គ្រងធនធានមនុស្សពីសាកលវិទ្យាល័យ បញ្ញាសាស្ត្រ ហើយក៏ជាភ្នាក់ងារពន្ធដែលមានអាជ្ញាប័ណ្ណពីអគ្គនាយកដ្ឋានពន្ធដារ (GDT) ផងដែរ។ កញ្ញា ចេងបានធ្វើការអស់រយៈពេលជាង ២១ ឆ្នាំមកហើយលើវិស័យជាច្រើន កញ្ញា ក៏មានបទពិសោធយ៉ាងច្រើនជាមួយក្រុមហ៊ុនអន្តរជាតិ ក្រុមហ៊ុនក្នុងស្រុក និងអង្គការក្រៅរដ្ឋាភិបាល ហើយកញ្ញាចង់ផ្តល់ចំណេះដឹងដ៏សម្បូរបែប ទៅដល់យុវជន ដែលមានទេពកោសល្យ។
«ក្រុមការងាររបស់យើងគឺក្មេងៗ ហើយមានភាពស្វាហាប់។ យុវជនមានភាពសកម្ម និងមានឆន្ទៈចង់រៀនសូត្រនូវអ្វីដែលថ្មី ហើយអាចចាប់យកបច្ចេកវិទ្យាថ្មីៗ។ ក្រសួងជាច្រើននិង អគ្គនាយកដ្ឋានពន្ធដារបានធ្វើបច្ចុប្បន្នភាពប្រព័ន្ធ និងកម្មវិធីតាមអនឡាញជាប្រចាំ ហើយក្រុមការងាររបស់យើងតែងតែសិក្សា និងពង្រឹងចំណេះដឹងរបស់ពួកគេតាមរយៈនោះ»។
«ពួកគេជ្រើសរើសមុខវិជ្ជាទាំងនេះដើម្បីសិក្សានៅសាកលវិទ្យាល័យ ដូច្នេះបន្ទាប់ពីបញ្ចប់ការសិក្សាពួកគេបានចាប់ផ្តើមធ្វើការក្នុងវិស័យនេះ ហើយអ្វីដែលសំខាន់គឺពួកគេពេញចិត្តការងារទាំងនេះ»។
«ជារៀងរាល់ថ្ងៃតែងមានអ្វីៗដែលថ្មីដើម្បីរៀនសូត្រ ពីព្រោះអតិថិជនរបស់យើងមានមុខជំនួញ និងឧស្សាហកម្មផ្សេងៗគ្នា»។
ហើយការរួមបញ្ចូលគ្នានៃបទពិសោធ ភាពស្វាហាប់ និងការប្តេជ្ញាចិត្ត ជាមួយនឹងសេវាកម្មដ៏ទូលំទូលាយ ធ្វើឱ្យអ៊ីប៊ីអិម អាចផ្តល់ជូនអតិថិជននូវគុណសេវាកម្មដ៏មានគុណភាព។
«តាមរយៈការបន្តរៀនសូត្រនូវអ្វីដែលថ្មី ការពង្រឹងជំនាញរបស់យើង ពីមួយថ្ងៃទៅមួយថ្ងៃនិងការអនលោមតាមបទប្បញ្ញត្តិថ្មី យើងខិតខំផ្តល់ជូនអតិថិជនរបស់យើងនូវការអភិវឌ្ឍថ្មីៗបំផុត និងនាំមកនូវអត្ថប្រយោជន៍ច្រើនបំផុតដល់អាជីវកម្មរបស់ពួកគេ»។
កញ្ញា សុខ ចេង បានបន្ថែមថា៖ «យើងចង់ឱ្យអតិថិជនរបស់យើងអាចឈានជើងចូលមកក្នុងទីផ្សារកម្ពុជា ប្រកបដោយទំនុកចិត្ត និងដោយភាពប្រាកដប្រជា»៕