បុគ្គលិកJTIរៀបចំកញ្ចប់ស្បៀងអាហារ ដើម្បីចែកជូនដល់គ្រួសារដែលខ្វះខាត ក្នុងអំឡុងពេលការរាត-ត្បាតជំងឺកូវីដ១៩នៅក្នុងសហគមន៍ កាលពីឆ្នាំ២០២១ នៅរាជធានីភ្នំពេញ។ រូបថត៖ នៅ ពិសិដ្ឋ/JTI
JTI គឺជាក្រុមហ៊ុនបារីលំដាប់ពិភពលោកឈានមុខ ដែលមានប្រតិបត្តិការនៅប្រទេសចំនួន១៣០ រួមទាំងកម្ពុជា។ JTI គឺជាសមាជិករបស់បណ្តាញក្រុមហ៊ុន JT Group។ JTI នៅប្រទេសកម្ពុជា ត្រូវបានទទួលស្គាល់ និងផ្តល់ចំណាត់ថ្នាក់ដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាថា JTI ជាក្រុមហ៊ុនមួយក្នុងបណ្តាក្រុមហ៊ុនបង់ពន្ធច្រើនជាងគេប្រចាំប្រទេស ដោយបានចូលរួមចំណែកការអភិវឌ្ឍ និងសេចក្តីរីកចម្រើននៃសេដ្ឋកិច្ចជាតិកម្ពុជា។
.jpg)
JTI កម្ពុជា មិនត្រឹមតែជាអ្នកបង់ពន្ធច្រើនប៉ុណ្ណោះទេ ថែមទាំងជាក្រុមហ៊ុនដំបូងគេនៅកម្ពុជា ដែលទទួលបានពានរង្វាន់និយោជកឆ្នើមកម្រិតពិភពលោក រយៈពេល២ឆ្នាំជាប់ៗគ្នា ពីវិទ្យាស្ថាន Top Employers នៅទីក្រុងអាំស្ទែ៊រដាំ ប្រទេសហូឡង់។ ជាងនេះទៅទៀត JTI ក៏បានស្ថិតក្នុងចំណោមក្រុមហ៊ុនទី១លើសកលលោក ដែលទទួលបានការទទួលស្គាល់ដោយស្តង់ដាសមភាពពិភពលោក ពីស្ថាប័ន EY ដែលវាយតម្លៃលើការផ្តល់ឱកាសស្មើភាពគ្នា និងប្រាក់កម្រៃស្មើភាពគ្នា នៅកន្លែងធ្វើការ។ ជាក់ស្តែង ម្តាយឪពុកនៅ JTI មិនប្រកាន់និន្នាការភេទណាទេ អាចទទួលបានការឈប់សម្រាកចំនួន៥ ខែ ដោយទទួលបានប្រាក់ខែពេញ ដើម្បីថែទាំគ្រួសារ នៅពេលពួកគេមានបុត្រថ្មីទើបកើត។
ការវិនិយោគលើសហគមន៍ ក៏ជាអាទិភាពអាជីវកម្មសម្រាប់ JTI ផងដែរ។ ជាមួយនឹងបុគ្គលិក ក្រុមហ៊ុនបានផ្តល់ការគាំទ្រដល់សហគមន៍ក្នុងអំឡុងពេលការរាតត្បាតជំងឺកូវីដ១៩ ក្នុងសហគមន៍ តាមរយៈការផ្តល់ជាកញ្ចប់អាហារជូនដល់គ្រួសារងាយរងគ្រោះ។ សំខាន់ជាង នេះទៅទៀត JTI ក៏ជួយដល់ជនពិការ ជនចាស់ជរា និងជនអនាថាផងដែរ ព្រមទាំងផ្តល់ជំនួយដល់សហគមន៍ដែលបានរងគ្រោះដោយសារគ្រោះទឹកជំនន់។ បន្ថែមពីលើនេះ ក្រុមហ៊ុន ក៏វិនិយោគលើនិរន្តរភាពបរិស្ថាន ដោយការអនុវត្តគម្រោងដាំដើមឈើ និងកែច្នៃសំរាមឡើងវិញ ជាមួយដៃគូរបស់ខ្លួន។
ក្នុងនាមជាក្រុមហ៊ុនជប៉ុនដែលគោរពច្បាប់យ៉ាងខ្ជាប់ខ្ជួន និងទទួលបានការគោរពកោតសរសើរ ដែលកំពុងមានប្រតិបត្តិការនៅកម្ពុជា JTI នឹងបន្តចូលរួមចំណែកក្នុងកិច្ចអភិវឌ្ឍន៍សង្គមសេដ្ឋកិច្ចជាតិនៃប្រទេសកម្ពុជា ក្នុងរយៈពេលជាច្រើនឆ្នាំបន្ថែមទៀត៕
