ពលរដ្ឋសហគមន៍កាន់ក្ដារស្គីនាំភ្ញៀវទេសចរទៅកាន់តំបន់ភ្នំភ្លើង ដែលពួកគេអាចរីករាយនឹងរំអិលតាមជម្រាល។ រូបថត AFP
.jpg)
ក្រុងម៉ាណាហ្គា: អាណា មូលល័រ ត្រូវចំណាយពេលកន្លះម៉ោងដើរត្រាច់ចរឡើងកំពូលភ្នំភ្លើង Cerro Negro ជាដំណើរកម្សាន្ដសម្រាប់ភ្ញៀវទេសចរទៅកាន់ទីឋានទេសចរណ៍ដ៏ពេញនិយមរបស់ប្រទេសនីការ៉ាហ្គា ដើម្បីជិះក្ដារំអិលចុះជម្រាលភ្នំ។
ភ្នំភ្លើង Cerro Negro ស្ថិតនៅរយៈកម្ពស់ត្រឹមតែ ៧២៨ ម៉ែត្រ តែការជិះក្ដាររំអិលតាមជម្រាលភ្នំលើផេះកម្អែភ្នំ ចំណាយពេលដើរត្រឹមតែ ៤០ នាទី ដែលអនុញ្ញាតឱ្យអ្នកចូលរួមនិយាយថា ពួកគេជិះក្ដាររំអិលពីកំពូលភ្នំភ្លើង។
កញ្ញា មូលល័រ ជាទេសចរអាល្លឺម៉ង់ ដែលរីករាយនឹងសកម្មភាពដ៏រំជើបរំជួលនេះ បាននិយាយថា៖ «វាជាបទពិសោធដ៏វិសេស។ មានភ្នំភ្លើងជាច្រើនទៀតនៅតំបន់អាហ្វ្រិកកណ្ដាល តែមានតែភ្នំភ្លើងនេះ អាចជិះក្ដាររំអិលបាននៅនីការ៉ាហ្គា ទីក្រុងលីយ៉ុង»។
ទីក្រុងធំដែលនៅក្បែរភ្នំភ្លើងបំផុត មានប្រតិបត្ដិករទេសចរណ៍យ៉ាងតិចចំនួន ១២ ដែលផ្ដល់សេវាកម្មជិះក្ដាររំអិលលើភ្នំភ្លើង Cerro Negro ក្នុងតម្លៃប្រមាណ ៣០ ដុល្លារ។
យោងតាមឆ្មាំឧទ្យានភ្នំភ្លើងនេះ សហគមន៍ចំនួន ១២ រស់នៅក្បែរភ្នំភ្លើង ដែលមានប្រជាជនសរុបកន្លះលាននាក់ រកចំណូលដោយផ្ទាល់ និងប្រយោជន៍ពីវិស័យទេសចរណ៍។
បទពិសោធដ៏រំជើបរំជួលនៃការជិះក្ដាររំអិលតាមជម្រាលភ្នំភ្លើង។ រូបថត AFP
ពលរដ្ឋម្នាក់ឈ្មោះ ចូស ហ្គូនហ្សាឡេស បានស្ពាយក្ដាររំអិលឱ្យភ្ញៀវឡើងភ្នំ និងអាចរកចំណូលបានរហូតដល់ ២០ ដុល្លារ ក្នុង ១ ថ្ងៃ។
លោកបាននិយាយថា៖ «នោះជាប្រាក់ខែរបស់យើង។ បើយើងមិនស្ពាយក្ដាររំអិលឡើងភ្នំភ្លើងទេ យើងនឹងមិនអាចរកចំណូលចូលផ្ទះចិញ្ចឹមគ្រួសារបានឡើយ»។
ថ្វីដ្បិតតែនៅបន្ដយ៉ាងសកម្ម តែភ្នំភ្លើង Cerro Negro មិនបញ្ចេញកម្អែផ្សែងទេ ដោយវាបានផ្ទុះលើកចុងក្រោយបំផុត កាលពីឆ្នាំ ១៩៩៩។
ភ្ញៀវទេសចរអាមេរិកលោក អេក្វាដូ សាន់ដ្រូ បាននិយាយថា៖ «រាងខ្លាចបន្ដិច តែសប្បាយ។ វាពិតជាខ្ពស់់មែនទែន តែខ្ញុំគួរសាកល្បងឱ្យបានម្ដង ក្នុងឆាកជីវិត»។
សម្រាប់ភ្ញៀវទេសចរព័រទុយហ្គាល់ កញ្ញា ការីណា ម៉ូរ៉ា បាននិយាយថា៖ «វាគឺជាការប៉ះផ្ទាល់នឹងផែនដី។ ខ្ញុំគិតថា វាជាបទពិសោធដ៏ល្អបំផុតសម្រាប់មនុស្ស ដែលអាចទទួលអារម្មណ៍ដឹងពីកម្ដៅនៃផែនដី»។
ក្រុមហ៊ុនទេសចរណ៍ Bigfoot លោក ឡេស្ទើរ សេនធេណូ ប្រធាន គឺជាអ្នកបានជិះក្ដាររំអិលភ្នំភ្លើងនេះជាលើកដំបូងក្នុងឆ្នាំ ២០០៦។
លោកបាននិយាយថា៖ «វាជាទីកន្លែងតែ ១ គត់ក្នុងលោក ដែលយើងអាចជិះក្ដាររំអិលលើភ្នំភ្លើងកំពុងតែសកម្ម»៕ AFP/HR
