ប្រទេសកូរ៉េខាងត្បូង កាលពីថ្ងៃព្រហស្បតិ៍ ទី ២៩ ខែធ្នូ បានធ្វើសមយុទ្ធយោធាទ្រង់ទ្រាយធំមួយ ដើម្បីក្លែងធ្វើការបាញ់ទម្លាក់យន្តហោះគ្មានមនុស្សបើក ដែលការណ៍នេះជាជំហានមួយ ដើម្បីពង្រឹងការត្រៀមខ្លួនប្រឆាំងនឹងការបង្កហេតុរបស់កូរ៉េខាងជើង។ សមយុទ្ធនេះបានធ្វើឡើងបីថ្ងៃបន្ទាប់ពីកូរ៉េខាងជើងបានបង្ហោះដ្រូន ឬយន្តហោះគ្មានមនុស្សបើក ចូលទៅក្នុងទឹកដីរបស់ខ្លួន ជាលើកដំបូងក្នុងរយៈពេល ៥ ឆ្នាំមកនេះ។