កម្ដៅមហាសមុទ្ររបស់ផែនដី បានឡើងដល់កម្រិតខ្ពស់បំផុត ៤ ឆ្នាំជាប់គ្នាៗ ក្នុងឆ្នាំ ២០២២ ដែលជាសញ្ញាដ៏គួរឱ្យព្រួយបារម្ភនៃវិបត្តិអាកាសធាតុ ក្រោមសកម្មភាពរបស់មនុស្ស។ តាមការសិក្សាមួយពីក្រុមអ្នកវិទ្យាសាស្ត្រអន្តរជាតិមកពីវិទ្យាស្ថានចំនួន ១៦ នៅទូទាំងពិភពលោកបានរកឃើញថា ៥ ឆ្នាំដែលក្ដៅបំផុតសម្រាប់គ្រប់មហាសមុទ្រទាំងអស់បានកើតឡើងក្នុងរយៈពេល ៦ ឆ្នាំចុងក្រោយនេះ ហើយល្បឿននៃការកើនឡើងកម្ដៅរបស់មហាសមុទ្រឡើងក៏កាន់តែលឿន។