លោក ដារិទ្ធ៖ ACCA ផ្តល់ឲ្យខ្ញុំនូវទំនុកចិត្តដែលខ្ញុំត្រូវការដើម្បីដោះស្រាយរាល់បញ្ហាប្រឈមក្នុងអាជីព។
អស់រយៈពេល ២ ទសវត្សរ៍កន្លងមកនេះ វិទ្យាស្ថាន CamEd Business School បានបណ្តុះបណ្តាលនិស្សិតវ័យក្មេងកម្ពុជាជាច្រើននាក់បានជោគជ័យបំផុតសម្រាប់វិស័យហិរញ្ញវត្ថុ។
ចក្ខុវិស័យរបស់ប្រធាន និងស្ថាបនិកវិទ្យាស្ថាន CamEd លោក Casey Barnett គឺផ្លាស់ប្តូរ CamEd ឲ្យក្លាយទៅជាសាលាធុរកិច្ចដ៏លេចធ្លោមួយដើម្បី «អភិវឌ្ឍសហគមន៍អ្នកជំនាញគណនេយ្យ និងហិរញ្ញវត្ថុឲ្យស្របទៅនឹងមជ្ឈមណ្ឌលហិរញ្ញវត្ថុអន្តរជាតិ» បានក្លាយជាការពិតហើយ។
បច្ចុប្បន្នសាលាធុរកិច្ចឯកជនមួយនេះបានកសាងកេរ្តិ៍ឈ្មោះល្បីល្បាញក្នុងការបង្កើតគណនេយ្យករ និងហិរញ្ញវត្ថុជំនាញ ដោយពួកគេទទួលបានការងារល្អ ប្រាក់ខែខ្ពស់ នៅក្នុងឧស្សាហកម្មធនាគារ និងហិរញ្ញវត្ថុនៅកម្ពុជា។
លោកស្រី សំ សុគន្ធារី នាយិការងរបស់វិទ្យាស្ថាន CamEd មានប្រសាសន៍ថា៖ «គុណភាពនិស្សិតរបស់យើងត្រូវបានទទួលស្គាល់ដោយក្រុមហ៊ុនសវនកម្មអន្តរជាតិល្បីៗដូចជា Pwc, KPmG, Deloitte និង Ernst និង Young ជាដើម ហើយបុគ្គលិកសិក្សារបស់យើងមានសាស្ត្រាចារ្យអន្តរជាតិ ដែលមានសមត្ថភាព ហើយយើងប្រើប្រាស់បច្ចេកវិទ្យា និងប្រព័ន្ធអប់រំកម្រិតខ្ពស់»។
វិទ្យាស្ថាន CamEd ផ្តល់ជូនវគ្គសិក្សាមួយដែលមានការទទួលស្គាល់ខ្ពស់បំផុតនៅលើពិភពលោក គឺវគ្គគណនេយ្យករជំនាញ (ACCA) ដែល មានតម្រូវការខ្ពស់បំផុតពីនិយោជក និងថ្នាក់សញ្ញាបត្រជំនាញអ្នកបច្ចេកទេសគណនេយ្យ (CAT) ជាវគ្គសិក្សាដែលផ្តល់នូវជំនាញគណនេយ្យខ្ពស់បំផុត។
លោកស្រី សុគន្ធារី បានថ្លែងថា៖ «និស្សិតគួរតែចូលរៀនវគ្គសិក្សាទាំងនេះ ពីព្រោះគណនេយ្យករជំនាញសវនករពន្ធដារ និងអ្នកប្រឹក្សាពន្ធដារដែលមានចំណេះដឹង បទពិសោធ និងមានលក្ខណសម្បត្តិគ្រប់គ្រាន់ គឺមានតម្រូវការខ្ពស់ពីវិស័យឯកជន និងសាធារណៈ»។
CamEd ក៏ជាវិទ្យាស្ថានធុរកិច្ចដ៏ល្អបំផុតសម្រាប់សហគ្រិនជោគជ័យផងដែរ។ លោក ឃុន ដារិទ្ធ អតីតនិស្សិតបញ្ចប់ការសិក្សាវគ្គ ACCA នៅវិទ្យាស្ថាន CamEd ដែលបច្ចុប្បន្នលោកជា managing partner នៃក្រុមហ៊ុន K Professional Accountants បានចែករំលែកពីប្រវត្តិនៃការសិក្សារបស់លោកដ៏គួរឲ្យចាប់អារម្មណ៍។
លោក ដារិទ្ធ ថ្លែងថា៖ «ការសម្រេចចិត្តចាប់ផ្តើមដំណើររបស់ខ្ញុំជាមួយវគ្គសិក្សា ACCA កាលពីច្រើនឆ្នាំមុន គឺជាជម្រើសដ៏ឈ្លាសវៃបំផុតដែលខ្ញុំមិនធ្លាប់មាន ហើយខ្ញុំមិនអាចបរិយាយអស់នូវអ្វីដែល ACCA បានកែប្រែជីវិតផ្ទាល់ខ្លួន និងអាជីពរបស់ខ្ញុំនោះទេ»។
ជាមួយនឹងការទទួលបានចំណាត់ថ្នាក់ដ៏ល្អពីការសិក្សាវគ្គ ACCA លោក ដារិទ្ធ ត្រូវបានតែងតាំងឲ្យក្លាយជាអ្នកត្រួតពិនិត្យ និងគាំទ្រដល់ប្រទេសជាច្រើននៅតំបន់អាស៊ី និងអាហ្វ្រិកស្តីពីការគ្រប់គ្រងហិរញ្ញវត្ថុប្រទេសសវនកម្ម ការគ្រប់គ្រងហានិភ័យ ការគ្រប់គ្រងផ្ទៃក្នុង និងអភិបាលកិច្ច។
«ACCA បានផ្តល់ឲ្យខ្ញុំនូវទំនុកចិត្តដែលខ្ញុំត្រូវការ ដើម្បីដោះស្រាយរាល់បញ្ហាប្រឈមក្នុងអាជីព។ ខ្ញុំប្រាកដថា វានៅតែបន្តផ្តល់ឲ្យខ្ញុំនូវជំនាញចាំបាច់ ដើម្បីជម្នះភាពមិនប្រាកដប្រជានៃសេដ្ឋកិច្ចសកលសម្រាប់អនាគតដ៏ល្អប្រសើរ»។
លោក ដារិទ្ធ បន្ថែមថា៖ «វាក៏បានផ្តល់ឲ្យខ្ញុំនូវគុណសម្បត្តិ ៣ យ៉ាង ដើម្បីក្លាយជាគណនេយ្យករអាជីពដែលមានការទទួលស្គាល់ខ្ពស់។ ACCA បានធ្វើឲ្យខ្ញុំក្លាយជាបុគ្គលដែលមានតម្លៃសម្រាប់ប្រទេសជាតិរបស់ខ្ញុំដោយផ្តល់ចំណេះដឹងបច្ចេកទេសទូលំទូលាយចំណេះដឹងភាសាអង់គ្លេសល្អ និងគុណតម្លៃនៃក្រមសីលធម៌វិជ្ជាជីវៈ»។
CamEd បានចូលជាសមាជិកសាកលវិទ្យាល័យផ្លូវការនៃ CFA Institute ដែលធ្វើឲ្យវាក្លាយជាស្ថាប័នគណនេយ្យ និងហិរញ្ញវត្ថុដ៏ល្អ និងល្បីល្បាញបំផុតមួយនៅក្នុងប្រទេសកម្ពុជា។
លក្ខណពិសេសរបស់វិទ្យាស្ថាន CamEd ត្រូវបានរៀបចំឡើង ដើម្បីធានាថា និស្សិតដែលបញ្ចប់ការសិក្សាទាំងអស់នឹងទទួលបាននូវជំនាញ និងមានសមត្ថភាពពិតប្រាកដដែលមានតម្រូវការខ្ពស់នៅតាមស្ថាប័ន និងក្រុមហ៊ុននានា៕
