ភ្នំពេញ: ក្នុង​ការ​ប្រកួត​ជម្រុះ​ជុំ​ទី​៦​នៃ​ការ​ដណ្តើម​ខ្សែក្រវាត់​គូបូតា ទម្ងន់​៥៧​គីឡូក្រាម នៅ​ថ្ងៃ​អាទិត្យ ទី​៦ កក្កដា នៅលើ​សង្វៀន​រោងសៀក ខាង​មុខ​នេះ ការ​ជួប​គ្នា​រវាង​កីឡាករ​ស៊ឹម ប៊ុនឆៃ នៃ​ក្លិប​ព្រៃ​ទទឹង​ខេត្ត​បាត់ដំបង ជាមួយ​គង់ សំបូរ កីឡាករ​ប្រដាល់​នៃ​ក្លិប​បូរី​រាជសីហ៍​មានរិទ្ធ អាច​នឹង​ផ្តល់​នូវ​ការ​ទាក់ទាញ​ដល់​អ្នក​ទស្សន៍នា​។ ប៉ុន្តែ ពៅ សារ៉ាក់ នៃ​ក្លិប​បាត់ដំបង​ពាយព្យ ដែល​ត្រូវ​ជួប​ជាមួយ​ម៉ន លីហ៊ួរ អាច​នឹង​ក្លាយ​ជា​កីឡាករ​ឡើង​សម្រាប់​ចាញ់ ព្រោះ​សមត្ថភាព និង​វិជ្ជាគុន មាន​គម្លាត​គ្នា​ឆ្ងាយ​ពេក ហើយ​៥​ប្រកួត​កន្លងមក សារ៉ាក់ បាន​ប្រកួត​ចាញ់​ទាំង​៥ និង​រក​បាន​​៥​ពិន្ទុ​ស្ថិត​នៅឯ​បាត​តារាង។