លោក Bert van Marwijk គ្រូបង្វឹកជម្រើសជាតិ អារ៉ាប់រួម ដែលត្រូវបានបណ្ដេញចេញកាលពីថ្ងៃពុធ។ រូបថត AFP
.jpg)
ក្រុងឌូបៃ៖ ប្រទេស អារ៉ាប់រួម បានប្រកាសកាលពីថ្ងៃពុធថា ប្រទេសនេះបានបណ្ដេញគ្រូបង្វឹករបស់ខ្លួន គឺលោក Bert van Marwijk ក្រោយពីជម្រើសជាតិមួយនេះ បានចាញ់ជម្រើសជាតិកាតា ៤-២ នៅក្នុងពូល A ពីថ្ងៃចន្ទក្នុងការប្រកួតពានរង្វាន់ Gulf Cup។
បុរសហូឡង់វ័យ ៦៧ ឆ្នាំរូបនេះ បានដឹកនាំជម្រើសជាតិអារ៉ាប់រួមជំនួសលោក Alberto Zaccheroni កាលពីខែមីនា។
របាយការណ៍មួយបាននិយាយថា៖ «សមាជិកក្រុមប្រឹក្សានាយកសមាគមបាល់ទាត់របស់អារ៉ាប់រួមបានសម្រេចចិត្តបញ្ចប់កុងត្រារបស់គ្រូបង្វឹកជម្រើសជាតិលោក Bert van Marwijk និងបានសម្ដែងការគោរពចំពោះគ្រូបង្វឹករូបនេះ និងក្រុមគ្រូជំនួយរបស់គាត់ដែលបានលះបង់ពេលវេលាជួយធ្វើការឲ្យជម្រើសជាតិកន្លងមកនេះផងដែរ»។
របាយការណ៍ដដែលនេះបានបន្ថែមទៀតថា៖ «គ្រូបង្វឹកថ្មីនឹងត្រូវប្រកាសនៅក្នុងរយៈពេលប៉ុន្មានថ្ងៃខាងមុខទៀតនេះ»៕ AFP/SN
