អេស្ប៉ាញៈ លោក Zinedine Zidane នៅតែជាគ្រូបង្វឹកដ៏មានអាទិភាព បន្ទាប់លោកបានជួយស្ដារមុខមាត់ក្រុមចាស់ Real Madrid ឲ្យទទួលបានជ័យជម្នះលើក្រុម Celta Vigo ក្នុងក្របខ័ណ្ឌ La Liga បន្ទាប់ពីលោកបានវិលមកដឹកនាំក្រុមមួយនេះជាថ្មី ខណៈលោក Thibaut Courtois ត្រូវបានបញ្ឈប់ដាក់ជំនួសដោយលោក Keylor Navas ហើយកីឡាករ Isco និង Marcelo ត្រឡប់ចូលក្រុមវិញ។
ខ្សែការពារ Gareth Bale ក៏ត្រូវបានតែងតាំងឲ្យធ្វើជាខ្សែប្រយុទ្ធនៅក្នុងការចាប់ផ្ដើមការប្រកួតមួយនៅកីឡដ្ឋាន Santiago Bernabeu កាលពីថ្ងៃសៅរ៍ ខណៈក្រុម Real Madrid បានចាប់ផ្តើមសម័យកាលថ្មីរបស់ខ្លួនក្រោមការដឹកនាំរបស់ Zidane ក្នុងទឹកដីរបស់ពួកគេដើម្បីស្វាគមន៍ក្រុម Celta Vigo។
ជាមួយគ្នានេះអ្នកចាំទី Courtois មានការភ្ញាក់ផ្អើលយ៉ាងខ្លាំង ខណៈរូបគេត្រូវបានក្រុម Madrid ទិញក្នុងតម្លៃខ្លួនប្រហែល ៤០ លានអឺរ៉ូ (៤៥ លានដុល្លារ) កាលពីរដូវក្ដៅឆ្នាំមុន ហើយបានទទួលស្គាល់ខ្លួននៅចំពោះមុខ Navas ក្រោមការដឹកនាំរបស់លោក Santiago Solari ជាអ្នកចាត់ការក្រុម។
ប៉ុន្តែ Navas គឺជាកីឡាករដ៏សំខាន់មួយក្រោមការដឹកនាំរបស់លោក Zidane ដែលជាអ្នកព្យាយាមរារាំងក្រុមនេះមិនឲ្យចុះហត្ថលេខាទិញយកអ្នកចាំទីផ្សេងទៀតនៅពេលលោកដឹកនាំក្រុមនេះ។
ការបានចូលលេងរបស់កីឡាករ Isco គឺជាការបង្ហាញពីគោលបំណងមួយទៀតព្រោះក្រុមរបស់ប្រទេសអេស្ប៉ាញមួយនេះមិនបានចាប់ផ្ដើមការប្រកួតលីកតែមួយគត់ក្រោមការដឹកនាំរបស់លោក Solari ស្របពេលកីឡាករ Marcelo បានចូលលេងវិញ តែមិនបានតួនាទីជាខ្សែការពារខាងឆ្វេងនោះទេ ដោយសារកីឡាករវ័យ ២២ ឆ្នាំ Sergio Reguilon កាន់តំណែងនោះហើយ។
ការជ្រើសរើសយកកីឡាករ Bale នេះបានបង្ហាញថាយ៉ាងហោចណាស់លោក Zidane បានត្រៀមខ្លួនរួចជាស្រេចហើយ ដើម្បីផ្តល់ឱកាសដល់កីឡាករជនជាតិ Welsh រូបនេះតាមការទាមទាររបស់លោក។ អតីតកីឡាករដ៏ឆ្នើមរបស់បារាំង Zidane បានបាត់បង់ជំនឿចិត្តចំពោះខ្សែការពារដ៏រឹងមាំ Bale កាលពីរដូវកាលប្រកួតមុនដោយសារទំនាក់ទំនងរបស់ពួកគេមានដំណើរការមិនសូវល្អនៅមុនពេល Zidane បានប្រកាសពីការលាឈប់។
សម្រាប់ការយកឈ្នះក្រុម Celta Vigo ក្នុងលទ្ធផល ២-០ កាលពីថ្ងៃសៅរ៍នោះ Bale ក៏រកបាន ១ គ្រាប់ផងដែរនៅនាទីទី ៧៧ គឺបន្ទាប់ពី Isco រកបានគ្រាប់បាល់បើកឆាកនៅនាទីទី ៦២ ហើយការរកបាន ៣ ពិន្ទុបន្ថែមនេះបានជួយឲ្យក្រុម Real Madrid ឡើងមកឈរនៅលេខរៀងទី ៣ នៃក្របខ័ណ្ឌកំពូលរបស់អេស្ប៉ាញ La Liga ដោយនៅក្រោមក្រុមលេខ ១ Barcelona និងក្រុមលេខ ២ Atletico Madrid៕ SN