ភូមិអេកូទេសចរណ៍នៅអូទ្រីស Sankt Corona។ រូបថត Wikimedia Commons
.jpg)
ក្រុងវីយែន៖ ភូមិទេសចរណ៍ដ៏ល្បីល្បាញនៅប្រទេស អូទ្រីស Sankt Corona am Wechsel ទំនងជាត្រូវគិតគូរឡើងវិញអំពីយុទ្ធសាស្ត្រជំរុញវិស័យទេសចរណ៍របស់ខ្លួន ខណៈប្រធានភូមិនេះបានសម្ដែងក្ដីបារម្ភថា ឈ្មោះភូមិដែលទាក់ទិននឹងវីរុសកំពុងរាតត្បាតជាសកលធ្វើឲ្យមនុស្សម្នាខ្លាចរអា។
លោក Michael Gruber ប្រធានភូមិ Sankt Corona am Wechsel បាននិយាយថា៖ «ពីមុនយើងអស់សំណើចដែលឮឈ្មោះវីរុសនេះ ដូចទៅនឹងឈ្មោះភូមិរបស់យើង តែក្រោយពីការរីករាលដាល ដែលបង្កឲ្យមនុស្សស្លាប់យ៉ាងច្រើនមក វាលែងជារឿងលេងសើចទៀតហើយ»។
វិស័យអេកូទេសចរណ៍ដើរតួនាទីយ៉ាងសំខាន់ក្នុងការផ្ដល់ចំណូលដល់អ្នកភូមិ ៤០០ នាក់ ដែលស្ថិតនៅជើងភ្នំ Alps ចម្ងាយប្រមាណ ១០០ គីឡូម៉ែត្រពីក្រុងវីយែន។
លោក Michael Gruber បានប្រាប់ទីភ្នាក់ងារថា៖ «យើងប្រហែលជាត្រូវរកឈ្មោះថ្មី ឬក៏រកនិមិត្តរូបតំណាងថ្មី ដើម្បីស្វាគមន៍ភ្ញៀវទេសចរ»។
បច្ចុប្បន្ននិមិត្តរូបតំណាងឲ្យភូមិនេះឈ្មោះថា កូរ៉ូណា ដែលប្រើជាសត្វស្រមោចស្លៀកឈុតប្រពៃណីអូទ្រីស ត្រូវបានបោះពុម្ពផ្សាយលើខិត្តប័ណ្ណទេសចរណ៍ និងសៀវភៅមគ្គុទេ្ទសក៍នានារបស់ភូមិ។ កន្លែងជិះរទេះលើទឹកកក និងជិះកង់ឡើងភ្នំ នៅក្នុងភូមិក៏ត្រូវបានដាក់ឈ្មោះតាមព្រះវិហារកាតូលិក saint Corona ដែរ។
នៅដើមសប្ដាហ៍ប្រទេស អូទ្រីស ដែកមានចំនួនប្រជាជនសរុប ៩ លាននាក់នេះ អ្នកឆ្លងវីរុសកូរ៉ូណាជិត ៤ ពាន់ករណី នឹងចំនួនអ្នកស្លាប់ ២១ នាក់។ ប្រទេសនេះបានកំហិតការដើរហើររបស់ពលរដ្ឋ ដើម្បីទប់ស្កាត់ការរីករាលដាលនៃវីរុសនេះ៕ AFP
