បុរស​ជន​ជាតិ​អង់​គ្លេស​ម្នាក់​គាំង​បេះដូង​ស្លាប់​នៅ​ក្រុង​ព្រះ​សីហនុ


ព្រះសីហនុៈ បុរស​ទេសចរ​ជាតិ​អង់គ្លេស​ម្នាក់​ត្រូវគេ​ប្រទះ​ឃើញ​ដេក​ស្លាប់​ក្នុង​បន្ទប់​ផ្ទះ​សំណាក់​នៅ​ថ្ងៃ​ពុធ​នេះ​នៅ​សង្កាត់​៣ ក្រុង​ព្រះ​សីហនុ​ដែល​ត្រូវ​សមត្ថកិច្ច​ធ្វើ​កោសល​វិច្ច័យ​បញ្ជាក់​ថា​ ជន​រង​គ្រោះ​មាន​ជំងឺ​គាំង​បេះ​ដូង។

លោក កុល ផល្លី ស្នងការ​រង​ព្រហ្មទណ្ឌ​ខេត្ត​ព្រះសីហនុ​ឲ្យ​ដឹង​ថា បុរស​ទេសចរ​ជនជាតិ​អង់គ្លេស​ដែល​ស្លាប់​ត្រូវ​នគរបាល​បច្ចេកទេស​វិទ្យាសាស្ត្រ​ខេត្ត​ធ្វើ​កោសល​វិច្ច័យ​ឃើញ​ថា​ គាត់​ស្លាប់​ព្រោះ​ជំងឺ​គាំង​បេះ​ដូង។

លោក​ប្រាប់​ថា «ខាង​ជំនាញ​គេ​ធ្វើ​កោសល​វិច្ច័យ​ឃើញ​ថា​ គាត់​ស្លាប់​ដោយសារ​គាំង​បេះដូង ហើយ​ខាង​ស្ថាន​ទូត​គេ​ចាត់​ចែង​និង​មក​ដឹក​សព​ទៅ​ភ្នំពេញ​ខ្លួន​គេ»។

សមត្ថកិច្ច​ក្រុង​ព្រះសីហនុ​ឲ្យ​ដឹង​ថា ជន​រងគ្រោះ​ឈ្មោះ SWEENEY MICHAEL DENNIS អាយុ​៦៥​ឆ្នាំ សញ្ជាតិ​អង់គ្លេស កាន់​លិខិត​ឆ្លង​ដែន​លេខ ៧៦១១១៧២៣៩និង ចូល​មក​កម្ពុជា​តាម​ច្រក​ព្រលាន​យន្ត​ហោះ អន្តរជាតិ​ភ្នំពេញ ហើយ​បាន​មក​ស្នាក់​នៅ​ផ្ទះ​សំណាក់​សកល​ក្រុង​ព្រះ​សីហនុ​នៅ​ថ្ងៃទី៧ ខែ​ឧសភា ឆ្នាំ​២០១៤​នេះ៕

ព័ត៌មានថ្មីៗ